பிரியாணி என்பது உணவு மட்டுமல்ல, அது ஓர் உணர்வு என்று டயலாக் பேசும் அளவுக்கு எல்லோருடைய விருப்ப உணவாகவும் பிரியாணி மாறிவிட்டது. பிரியாணி என்பது அரிசியுடன் இறைச்சி சேர்த்து அனைத்து மசாலாக்களுடன் சேர்த்து தம் போட்டு சமைக்கப்படும் வாசனையும் ருசியும் மிக்க உணவு. இந்தியா முழுவதும் ஒவ்வொரு மாநிலத்திலும் பெருநகரங்களிலும் பல்வேறு வகையான பிரியாணிகள் கிடைக்கின்றன. அவை வெவ்வேறு சுவையுடையதாக இருக்கின்றன. இருப்பினும், பிரியாணி சாப்பிட்ட பிறகு, தவிர்க்க வேண்டிய சில வகையான உணவுகள் உள்ளன.
கூல் டிரிங்க்ஸ்: பிரியாணி சாப்பிட்ட பிறகு பலர் கூல் டிரிங்க்ஸ் குடிக்க விரும்புகிறார்கள். ஆனால், தவறுதலாக கூட, பிரியாணி சாப்பிட்ட பிறகு கூல் டிரிங்க்ஸ் குடிக்கக்கூடாது. அப்படி குடிப்பதால் வாயு பிரச்சனை, அஜீரணம், வயிறு உப்புசம், நெஞ்செரிச்சல் போன்ற பிரச்சனைகள் ஏற்படும். பிரியாணி ஒரு சூடான உணவு.. கூல் டிரிங்க்ஸ் குளிர்ச்சியாக இருப்பதால், அது உடலில் உணவு-வெப்பநிலை ஏற்றத்தாழ்வை ஏற்படுத்துகிறது. இது உடல்நலப் பிரச்சினைகளை ஏற்படுத்தும்.
ஐஸ்கிரீம்: சிலர் பிரியாணி சாப்பிட்ட பிறகு இனிப்பு வகைகளை விரும்புகிறார்கள். குறிப்பாக ஐஸ்கிரீம் மற்றும் இனிப்புகளை சாப்பிடுவது செரிமான பிரச்சனைகளை ஏற்படுத்தும். பிரியாணியில் உள்ள கொழுப்பு பொருட்கள் உடலில் கொழுப்பாக மாறும். அந்த நேரத்தில், சர்க்கரை அதிகமாக உள்ள இனிப்பு வகைகளை மீண்டும் சாப்பிடுவது அஜீரணத்திற்கு வழிவகுக்கும். இது எடை அதிகரிப்பையும் ஏற்படுத்தும்.
பழச்சாறு: சிலர் பிரியாணி சாப்பிட்ட உடனேயே பழங்களை சாப்பிடுவார்கள் அல்லது பழச்சாறு குடிப்பார்கள். இருப்பினும், இது உடலுக்கு நல்லதல்ல. பிரியாணி என்பது மசாலாப் பொருட்கள் நிறைந்த ஒரு உணவாகும். பிரியாணி மசாலாப் பொருட்களுடன் கலக்கும்போது பழங்களின் நார்ச்சத்து மற்றும் அமில பண்புகள் செரிமான அமைப்பில் இயற்கைக்கு மாறான விளைவை ஏற்படுத்தும். இது இரைப்பை பிரச்சனை மற்றும் அமிலத்தன்மையை ஏற்படுத்தும்.
மில்க் ஷேக்: சிலருக்கு பிரியாணி சாப்பிட்டவுடன் மில்க் ஷேக் குடிக்கும் பழக்கம் இருக்கும். ஆனால் இது ஒரு பெரிய தவறு. பிரியாணியில் அசைவ பொருட்கள் இருப்பதால், அதில் உள்ள புரதங்கள், பாலுடன் கலக்கும்போது, உடலில் செரிமானத்தை தாமதப்படுத்துகிறது. இது உணவு விஷம் மற்றும் அமிலத்தன்மையை ஏற்படுத்தும்.
தேநீர்: பலருக்கு உணவுக்குப் பிறகு தேநீர் குடிக்கும் பழக்கம் உள்ளது. இருப்பினும், பிரியாணி சாப்பிட்ட பிறகு தேநீர் குடிப்பதைத் தவிர்க்குமாறு சுகாதார நிபுணர்கள் எச்சரிக்கின்றனர். தேநீர் குடிப்பது பிரியாணியில் உள்ள இரும்புச்சத்தை உறிஞ்சுவதைக் குறைக்கிறது. மேலும், தேநீர் செரிமான அமைப்பில் அமிலத்தன்மையை அதிகரிக்கும்.
பிரியாணி சாப்பிட்ட பிறகு, செரிமானத்தை அதிகரிக்க உடலுக்கு குறைந்தது இரண்டு மணிநேரம் ஓய்வு கொடுக்க வேண்டும். லேசான வெதுவெதுப்பான நீரைக் குடிக்கவும். உட்கொள்ளும் ஒவ்வொரு உணவு மற்றும் பானத்தின் மீதான விழிப்புணர்வை அதிகரிப்பதன் மூலம் மட்டுமே நாம் ஆரோக்கியத்தைப் பராமரிக்க முடியும். சுவைக்காகச் செய்யும் சிறிய தவறுகள் பின்னர் பெரிய உடல்நலப் பிரச்சினைகளாக மாறுவதற்கு முன்பு அவற்றைக் கவனித்துக் கொள்வது நல்லது.
Read more: இனி 10 ஆண்டுகளுக்கு ஒருமுறை பிஎஃப் தொகையை எடுக்கலாம்.. EPFO விதிகளில் வரும் அதிரடி மாற்றம்..!!
