தமிழகத்தில் அனைத்து வகை ஆசிரியர் பயிற்சி நிறுவனங்களிலும் தொடக்கக்கல்வி பட்டைய பயிற்சியின் சேர்க்கை பெற விருப்பம் கொள்ளும் மாணவ, மாணவிகள் ஜூன் மாதம் 5ம் தேதி முதல் விண்ணப்பம் செய்து கொள்ளலாம் என்று பள்ளிக்கல்வித்துறை சார்பாக தெரிவிக்கப்பட்டு இருக்கிறது.
இது தொடர்பாக மாநில கல்வியியல் ஆராய்ச்சி பயிற்சி நிறுவனம் வெளியிட்டிருக்கின்ற செய்தி குறிப்பில் தெரிவிக்கப்பட்டு இருப்பதாவது, எஸ்.சி.இ.ஆர்.டி கட்டுப்பாட்டின் கீழ் இயங்கும் அனைத்து வகை ஆசிரியர் பயிற்சி நிறுவனங்களிடம் 2023-24 ஆம் ஆண்டுக்கான 2 வருட தொடக்கக்கல்வி பட்டய பயிற்சி மாணவர சேர்க்கை நடைபெற இருக்கிறது. அதோடு கூடுதல் விவரங்களை இணையதளத்தின் மூலமாக விண்ணப்பதாரர்கள் தெரிந்து கொள்ளலாம் என்று கூறப்பட்டிருக்கிறது.
அதேபோல மாணவ, மாணவிகள் இணையதளம் மூலமாக ஜூன் மாதம் 5ஆம் தேதி முதல் 15 ஆம் தேதி வரையில் விண்ணப்பம் செய்து கொள்ளலாம். அப்படி முடியாத சூழ்நிலையில், விண்ணப்பங்களை பதிவேற்றம் செய்ய விண்ணப்பதாரர்கள் தங்களுடைய இடத்திற்கு அருகே உள்ள ஏதாவது ஒரு மாவட்ட ஆட்சியர் கல்வி மற்றும் பயிற்சி நிறுவனத்தின் உதவியுடன் விண்ணப்பித்துக் கொள்ளலாம் என்று தெரிவிக்கப்பட்டுள்ளது.
