இன்று சூப்பர் ஸ்டார் ரஜினிகாந்த் தனது 72 வது பிறந்தநாளை கொண்டாடுகிறார். அதனையொட்டி அவருக்கு ரசிகர்கள் & அரசியல் பிரமுகர்கள், சினிமா பிரபலங்கள் பலர் வாழ்த்து கூறி வருகின்றனர். ரஜினிகாந்த் நடித்துள்ள ஜெயிலர் படத்தின் முக்கியமான அப்டேட் இன்று மாலை 6 மணிக்கு வெளியாகும் என படக்குழு அறிவித்துள்ளது.
கோலமாவு கோகிலா, டாக்டர், பீஸ்ட் படங்களின் இயக்குனர் நெல்சன் இயக்கி இருக்கும் இந்த படம் ரஜினியின் 169 வது படமாகும். இந்த படத்தில் கன்னட சூப்பர் ஸ்டார் சிவ ராஜ்குமார், நடிகை ரம்யா கிருஷ்ணன், வசந்த் ரவி, யோகி பாபு, விநாயகன் ஆகியோர் முக்கிய வேடத்தில் நடிக்கின்றனர்.
ரஜினிகாந்த் பிறந்தநாளுக்கு ஜெயிலர் படக்குழு வாழ்த்து தெரிவித்து வீடியோ ஒன்றை வெளியிட்டுள்ளது. அந்த வீடியோவில் யோகிபாபு, காமெடி நடிகருக்கு விட்டுக்கொடுக்கும் மனப்பாண்மை ரஜினியிடம் அதிகம் இருப்பதாக தெரிவித்தார். கன்னட சூப்பர் ஸ்டார் சிவ ராஜ்குமார் கூறும்போது, “ரஜினி மாமா வணக்கம்” அவர் கூட படத்தில் நடிப்பது மிகவும் சந்தோஷமாக உள்ளது, அவர் simple சூப்பர்ஸ்டார் என்றும் தெரிவித்தார்.
இவர்களை தொடர்ந்து பேசிய ரம்யா கிருஷ்ணன், 23 வருஷத்துக்கு அப்புறமும் இந்த டயலாக் உங்களுக்கு மட்டும் தான் பொருந்தும் என்று படையப்பா பட வசனமான ” வயசானாலும் உங்க அழகும் ஸ்டைலும் இன்னும் உங்களை விட்டு போகல” என்று கூறினார். படத்தின் இயக்குனர் நெல்சன் உள்ளிட்ட அனைவரும் ரஜினியின் பிறந்த நாளுக்கு வாழ்த்த தெரிவித்திருந்தனர்.
