தொலைந்த அல்லது திருடப்பட்ட போன்களைக் கண்டுபிடிக்கும் வகையில் எளிய வழிமுறைகளை மத்திய அரசு வெளியிட்டுள்ளது.
போலி மொபைல் போன் சந்தையைக் குறைக்கும் மைய அமைப்பாக மத்திய உபகரண அடையாளப் பதிவேடு (CEIR) உள்ளது. இந்த அமைப்பு தற்போது இந்தியாவில் உள்ள அனைத்து மாநிலங்களிலும் யூனியன் பிரதேசங்களிலும் செயல்பட்டு வருகிறது. CEIR முதன்முதலில் தாத்ரா மற்றும் நாகர் ஹவேலி, கோவா மற்றும் மகாராஷ்டிராவில் செப்டம்பர் 2019 இல் தொடங்கப்பட்டது. பின்னர் டிசம்பர் 2019 இல் டெல்லியில் இந்த சேவையை மத்திய அரசு விரிவுபடுத்தியது. அதன்படி, ஸ்மார்ட்ஃபோன்களை தொலைத்தால் உடனே இந்த தளத்தை பயன்படுத்தி தங்கள் மொபைல்போன் இருக்கும் இடத்தை மக்கள் தெரிந்து கொள்ளலாம். ஆனால் இந்தியாவின் மீதமுள்ள பகுதிகளில் விரிவாக்கம் செய்ய முயன்றபோது கோவிட்-19 தொற்றுநோய் பரவியதால் காலதாமதம் ஆனது.
CEIR ஐப் பயன்படுத்த, பயனர்கள் அதிகாரப்பூர்வ இணையதளத்திற்குச் செல்லலாம் அல்லது Android மற்றும் iOSக்கான CEIR பயன்பாட்டைப் பதிவிறக்கலாம். பயனர்கள் தங்கள் மொபைலின் IMEI எண்ணை எளிதில் வைத்திருக்க சமர்பிக்க வேண்டியிருந்தாலும், இதைப் பயன்படுத்துவது இலவசம். ஸ்மார்ட்போனின் பெட்டியில் எண்ணைக் காணலாம். இல்லையெனில், சேமித்த எண்ணை டைரியில் வைத்திருப்பது நல்லது. IMEI எண்ணைப் பெற உங்கள் மொபைலில் *#06# டயல் செய்யலாம்.
உங்கள் ஆண்ட்ராய்டு ஃபோன் அல்லது ஐபோன் தொலைந்துவிட்டால் CEIR ஐ எப்படி பயன்படுத்துவது? என்பது குறித்து தற்போது பார்போம். மொபைல் போனை தொலைத்த நபர் CEIR இணையதளத்தில் முதலில் புகார் செய்ய வேண்டும். புகார் செய்யும் போது மொபைல் எண் மற்றும் சில ஆவணங்களை சமர்ப்பிக்க வேண்டும். புகார் அளித்தவுடன் மொபைல்போன் வேலை செய்யாது. திருடன் சிம் கார்டை மாற்றினாலும் வேலை செய்யாது என்பது குறிப்பிடத்தக்கது. அதன்பின் இந்த புகாரின் நகலை உடனே அருகிலுள்ள நிலையத்தில் FIR பதிவு செய்ய வேண்டும். பின்னர், இணையதளம் மற்றும் ஆப்ஸில் கிடைக்கும் ஆன்லைன் படிவத்தை நிரப்பவும். படிவத்தில் உள்ள சில கட்டாய புலங்களில் மொபைல் எண், மாடல் எண், IMEI 1 மற்றும் 2 எண்கள் மற்றும் இருப்பிடத் தகவல் ஆகியவற்றை பதிவு செய்து காவல்துறையின் FIR காப்பியையும் ஸ்கேன் செய்து பதிவு செய்ய வேண்டும்
இவை அனைத்தையும் வெற்றிகரமாகச் சமர்ப்பித்த பிறகு, பயனரின் தொலைபேசி 24 மணி நேரத்திற்குள் செயல்படுவது தடுக்கப்படும். மொபைல்போன் செயல்படுவது தடுக்கப்பட்ட பிறகு, இந்தியா முழுவதும் உள்ள எந்த நெட்வொர்க்கிலும் அதைப் பயன்படுத்த முடியாது. உங்கள் ஃபோன் ஒருவேளை கண்டுபிடிக்கப்பட்டால், நீங்கள் சாதனத்தைத் தடைநீக்க வேண்டும். CEIRக்கு தடைநீக்கும் விருப்பம் உள்ளது. அந்த கோரிக்கையை உங்கள் ஐடி மற்றும் பிற விவரங்களைச் சமர்ப்பித்தால் மீண்டும் மொபைல்போன் வேலை செய்யும் உள்ளிட்டவைகள் மத்திய அரசு வெளியிட்டுள்ள வழிமுறைகளில் தெரிவிக்கப்பட்டுள்ளது.
