துருக்கியின் தலைநகரான இஸ்தான்புல்லில் திங்கள்கிழமை (ஜூன் 2, 2025) ரஷ்யா மற்றும் உக்ரைன் பிரதிநிதிகள் குழுக்களுக்கு இடையே பேச்சுவார்த்தை நடைபெற்றது. பேச்சுவார்த்தை 2 மணி நேரம் தாமதமாகத் தொடங்கியது, சந்திப்பு ஒரு மணி நேரம் கூட நீடிக்கவில்லை. பேச்சுவார்த்தையின் போது, இரு நாடுகளின் பிரதிநிதிகளின் அணுகுமுறையும் கடுமையாகவே இருந்தது.
துருக்கிய வெளியுறவு அமைச்சர் ஹக்கன் பிடான், இஸ்தான்புல்லின் சிராகன் அரண்மனையில் நடைபெற்ற அமைதிப் பேச்சுவார்த்தைகளுக்குத் தலைமை தாங்கினார். இது ஒட்டோமான் பேரரசின் இல்லமாகும். இரு தரப்பினரையும் உள்ளடக்கிய போர்நிறுத்த விதிமுறைகளைப் பற்றி விவாதிப்பதே இந்தப் பேச்சுவார்த்தைகளின் நோக்கமாகும்.
இரு தரப்பினரையும் போர்நிறுத்தத்தை ஏற்க கட்டாயப்படுத்த அமெரிக்க அதிபர் டொனால்ட் டிரம்ப் மேற்கொண்ட அனைத்து முயற்சிகளும் இதுவரை தோல்வியடைந்துள்ளன. ரஷ்யா மீது புதிய தடைகளை விதிக்கவும், எண்ணெய் வர்த்தகத்தை கட்டுப்படுத்தவும், டேங்கர்களைப் பயன்படுத்தவும் உக்ரைன் அதிபர் ஜெலென்ஸ்கி அழைப்பு விடுத்துள்ளார்.
அமைதி பேச்சுவார்த்தை தொடர்பாக ஜெலென்ஸ்கி கூறுகையில், நீடித்த, நம்பகமான, அமைதிக்கு வழிவகுக்கும் கண்ணியமான நடவடிக்கைகளுடன், முழுமையான மற்றும் நிபந்தனையற்ற போர்நிறுத்தத்தை நாங்கள் தொடர்ந்து முன்மொழிகிறோம். இது தொடர்பாக ரஷ்யாவுக்கு நாங்கள் வழங்கிய திட்டம் தர்க்கரீதியானது மற்றும் யதார்த்தமானது.
ஆனால், அமைதியை ஏற்படுத்துவதற்கான தனது திட்டத்தை ரஷ்யா இதுவரை யாருடனும் பகிர்ந்துகொள்ளவில்லை. எங்களிடமோ, துருக்கியிடமோ, அமெரிக்காவிடமோ ரஷ்யாவின் அமைதிக்கான திட்ட ஆவணம் இல்லை. இருந்த போதிலும், அமைதியை நோக்கிய பாதையில் குறைந்தபட்சம் சில முன்னேற்றங்களை அடைய நாங்கள் முயற்சிப்போம்.
ராஜதந்திரம் செயல்பட வேண்டும் என்றும் உண்மையான போர்நிறுத்தம் ஏற்பட வேண்டும் என்றும் உலகில் உள்ள அனைவரும் விரும்புகிறார்கள். ” அமைதியை ஏற்பத்துவதற்கான தனது திட்டத்தை ரஷ்யா இதுவரை யாருடனும் பகிர்ந்துகொள்ளவில்லை. இருந்த போதிலும், அமைதியை நோக்கிய பாதையில் குறைந்தபட்சம் சில முன்னேற்றங்களை அடைய நாங்கள் முயற்சிப்போம். ரஷ்யா, ராஜதந்திரத்துடன் விளையாடுவதை நிறுத்திவிட்டு போரை முடிவுக்குக் கொண்டுவர வேண்டும் என்று அனைவரும் விரும்புகிறார்கள் என தெரிவித்துள்ளார்.
மேலும் இந்த உரையாடலில் இருந்து உறுதியான எதுவும் வெளிவரவில்லை என்றால், ரஷ்யா மீது G7 அளவிலான தடை உள்ளிட்ட புதிய தடைகள் விதிக்கப்பட வேண்டும் என்றும், ஐரோப்பாவிலிருந்து மட்டுமல்ல என்றும் அவர் மேலும் கூறினார்.
Readmore: அனைத்து உதவிகளையும் செய்ய தயார்… டெல்லி தமிழர்களுக்கு தமிழக அரசு துணை நிற்கும்…!
