நாடு முழுவதும் நேற்று முதல் புதிய தொழிலாளர் சட்டங்கள் அமலுக்கு வந்துள்ளது. இந்த சட்டங்களில், அடிக்கடி வேலை மாற்றும் லட்சக்கணக்கான ஊழியர்களுக்கு பெரும் நன்மை தரும் முக்கிய மாற்றம் ஒன்று அறிவிக்கப்பட்டுள்ளது. முன்னர், Gratuity பெற குறைந்தது 5 வருட சேவை அவசியம் இருந்தது. ஆனால் புதிய தொழிலாளர் குறியீடுகளின் (Labour Codes) கீழ் இது 1 ஆண்டாகக் குறைக்கப்பட்டுள்ளது.
இந்த மாற்றம், பல தசாப்தங்களாக இருந்து வந்த 29 பழைய தொழிலாளர் சட்டங்களை ஒருங்கிணைத்து, நவீன புதிய தொழிலாளர் சட்டங்களாக மாற்றும் பணியின் ஒரு பகுதியாகும். இவை வேலைக்காரர்களின் நலனை மேம்படுத்தவும், பழைய விதிகளை புதுப்பிக்கவும், வேலைகளை மேலும் முறையானதும் வெளிப்படையானதும் ஆக்கவும் வகை செய்கின்றன.
இது எந்த ஊழியர்களுக்கு சிறப்பு நன்மை தரும்?
முக்கியமாக ஐடி, ரீடெயில், சேவை, ஸ்டார்ட் அப் போன்ற தனியார் துறைகளில் அடிக்கடி வேலை மாறும் ஊழியர்களுக்காக இது பல ஆண்டுகளில் ஏற்பட்ட மிக முக்கியமான சட்ட மாற்றங்களில் ஒன்றாகக் கருதப்படுகிறது.
Gratuity என்றால் என்ன?
Gratuity என்பது ஒரு ஊழியர் ஒரு நிறுவனத்தில் செய்த சேவைக்கு நன்றி தெரிவிக்கும் வகையில், நிறுவன உரிமையாளர் ஒருமுறை தொகையாக வழங்கும் நிதி நன்மை ஆகும்.
Gratuity எப்போது வழங்கப்படும்?
Payment of Gratuity Act படி, கீழ்கண்ட சந்தர்ப்பங்களில் gratuity வழங்கப்படும்:
• ஊழியர் வேலை விட்டு வெளியேறும் போது (ரெஸிக்னேஷன்/டெர்மினேஷன்)
• ஓய்வு பெறும் பெறூம் போது
• நிரந்தர மாற்றுத்திறனாளியாகும் போது
• மரணம் ஏற்பட்டால், நியமிக்கப்பட்ட nominee-க்கு வழங்கப்படும்
முன்பு இருந்த விதி என்ன?
முன்னர், ஒரே நிறுவனத்தில் தொடர்ச்சியான 5 ஆண்டுகள் பணியாற்றிய பிறகே gratuity பெறுவதற்கு தகுதி கிடைக்கும்.
புதிய தொழிலாளர் சட்டத்தில் என்ன மாற்றம் ?
புதிய தொழிலாளர் குறியீடுகள் படி: குறைந்தபட்ச சேவை காலம் 5 ஆண்டிலிருந்து 1 ஆண்டாக குறைக்கப்பட்டுள்ளது. இதன் மூலம் மிக அதிகமான ஊழியர்கள் gratuity நன்மையைப் பெற முடிகிறது.
ஏன் இது முக்கியமான மாற்றம்?
ஒவ்வோர் ஆண்டும் லட்சக்கணக்கான ஊழியர்கள் 5 ஆண்டுகள் பூர்த்தி செய்யாமல் வேலை மாறுகின்றனர். இதனால், பல ஆண்டுகள் பணியாற்றியிருந்தாலும் அவர்களுக்கு gratuity கிடைக்கவில்லை. புதிய விதி மூலம் இப்போது குறுகிய காலம் பணியாற்றியும் பணியாளர்கள் நிறுவனத்தைவிட்டு வெளியேறும் போது நிதி ஆதரவு பெறுவார்கள்.
ஏன் இந்த மாற்றம் ‘Game-Changer’ என்று கூறப்படுகிறது?
குறுகிய கால சேவை இனி ஊழியர்களுக்கு பாதகமாக இருக்காது அடிக்கடி வேலை மாறும் ஊழியர்கள் முன்னர் 5 ஆண்டுகள் பூர்த்தி செய்யாததால் gratuity பெற முடியவில்லை. இப்போது 1 ஆண்டு சேவை போதுமானதால், இந்த அநீதி நீங்குகிறது.• 2. இளம் ஊழியர்களுக்கு அதிக நிதி பாதுகாப்பு. ஐடி, ஸ்டார்ட் அப் போன்ற துறைகளில் வேலை மாறுவது பொதுவானது. இப்போது அவர்களுக்கும் வேலை மாற்றும்போது உடனடியாக ஒரு நிதி ஆதரவு கிடைக்கும். குறுகிய கால ஒப்பந்தங்களில் பணியாற்றும் கோடிக்கணக்கான ஊழியர்களுக்கு முதல் முறையாக gratuity ஒரு நடைமுறையான நன்மையாக மாறுகிறது.. ஒரு வருடத்திற்குப் பிறகு gratuity ஒரு உறுதி செய்யப்பட்ட மற்றும் முன்னறிவிக்கக்கூடிய நன்மையாக மாறுவதால், நிறுவனங்களும் ஊழியர்களும் சட்டப்படி வேலை செய்வதை விரும்புவர்.
இந்த ஒரு மாற்றம் மட்டுமே இந்திய தொழிலாளர்களின் நிதி பாதுகாப்பை பெரிதும் உயர்த்தி, உலகத் தரத்திலான ஊழிய நன்மைகளுக்கு இந்தியாவை அருகில் கொண்டு செல்கிறது.
