இந்திய இரயில்வேயில் 2024 மற்றும் 2025 ஆம் ஆண்டுக்கான வருடாந்திர காலண்டரின்படி, 1,43,086 அரசிதழ் பதிவு பெறாத பணியிடங்களுக்கான ஆட்சேர்ப்புப் பணிகள் தொடங்கப்பட்டுள்ளன. ஜனவரி முதல் டிசம்பர் 2024 வரை, 92,116 காலியிடங்களை நிரப்புவதற்காக பல வேலைவாய்ப்பு அறிவிப்புகள் வெளியிடப்பட்டன.
அதன்படி, உதவி லோகோ பைலட்கள் (ALP), டெக்னீஷியன்கள், துணை ஆய்வாளர்கள், இரயில்வே பாதுகாப்புப் படையில் (RPF) உள்ள காவலர்கள், இளநிலை பொறியாளர்கள் (JE)/டிபோ மெட்டீரியல் கண்காணிப்பாளர் (DMS)/வேதியியல் மற்றும் உலோகவியல் உதவியாளர் (CMA), துணை மருத்துவப் பிரிவுகள், தொழில்நுட்பம் சாராத பிரபலமான பிரிவுகள் (பட்டதாரிகள்), தொழில்நுட்பம் சாராத பிரபலமான பிரிவுகள் (பட்டப்படிப்பு அல்லாதோர்), அமைச்சுப் பணிகள் மற்றும் தனிப்பட்ட பிரிவுகள் மற்றும் உதவியாளர்கள், தண்டவாளப் பராமரிப்பாளர்கள் மற்றும் பாயிண்ட்ஸ்மேன் போன்ற நிலை-1 பிரிவுகளின் பணியிடங்களை நிரப்புவதற்காக வெளியிடப்பட்டன.
ஆட்சேர்ப்பு செயல்முறை குறித்த புதுப்பிப்பு
59,678 பதவிகளுக்கான முதல் நிலை/ஒற்றை நிலை கணினி அடிப்படையிலான தேர்வுகள் (CBT) நிறைவடைந்துள்ளன. ALP, JE/DMS/CMA மற்றும் தொழில்நுட்பம் சாராத பிரபலமான பிரிவுகளின் (பட்டதாரிகள் மற்றும் பட்டப்படிப்பு அல்லாதோர்) பதவிகளுக்கான 2வது நிலை CBT தேர்வுகளும் நிறைவடைந்துள்ளன.
ALP மற்றும் தொழில்நுட்பம் சாராத பிரபலமான பிரிவுகளின் (பட்டதாரிகள்) பதவிகளுக்கான கணினி அடிப்படையிலான திறனாய்வுத் தேர்வு (CBAT) மற்றும் தொழில்நுட்பம் சாராத பிரபலமான பிரிவுகளின் (பட்டதாரி நிலை) மற்றும் அமைச்சுப் பணிகள் மற்றும் தனிப்பட்ட பிரிவுகளின் பதவிகளுக்கான கணினி அடிப்படையிலான திறன் தேர்வும் நிறைவடைந்துள்ளன.
நிலை-1 பிரிவுகளில் உள்ள 32,438 காலியிடங்களுக்கான CBT தேர்வு நவம்பர் 27 அன்று 15 மொழிகளில் 140 நகரங்களில் தொடங்கியது.
காவலர் (RPF) பதவியில் உள்ள 4,208 காலியிடங்களுக்கான உடல் தகுதித் தேர்வு (PET) டிசம்பர் 6 அன்று நிறைவடைந்தது.
டெக்னீஷியன்கள், இளநிலை பொறியாளர்கள், துணை மருத்துவப் பிரிவுகள், துணை ஆய்வாளர்கள் (RPF) மற்றும் உதவி லோகோ பைலட்கள் உள்ளிட்ட பல்வேறு பதவிகளுக்கான 34,000-க்கும் மேற்பட்ட விண்ணப்பதாரர்களுக்கான தேர்வுக் குழுக்கள் இறுதி செய்யப்பட்டுள்ளன. இவர்களில் பெரும்பாலானோர் பாதுகாப்புப் பிரிவுகளைச் சேர்ந்தவர்கள்.
2025 ஆம் ஆண்டுக்கான திட்டங்கள்
2025 ஆம் ஆண்டிற்கான வருடாந்திர காலண்டரின்படி, 50,970 காலியிடங்களுக்கான ஒன்பது மத்தியப்படுத்தப்பட்ட வேலைவாய்ப்பு அறிவிப்புகளும் (CENs) வெளியிடப்பட்டுள்ளன. வெளிப்படையான தேர்வு செயல்முறை
ஆர்ஆர்பி தேர்வுகள் இயல்பிலேயே மிகவும் தொழில்நுட்பத் தன்மை வாய்ந்தவை. இதற்குப் பெருமளவிலான மனிதவளம் மற்றும் வளங்களைத் திரட்டுவதும், பணியாளர்களுக்குப் பயிற்சி அளிப்பதும் தேவைப்படுகிறது.
ரயில்வே இந்தச் சவால்கள் அனைத்தையும் முறியடித்து, வகுக்கப்பட்ட அனைத்து வழிகாட்டுதல்களையும் பின்பற்றி, வெளிப்படையான முறையில் ஆட்சேர்ப்பு செயல்முறையை வெற்றிகரமாக நடத்தியுள்ளது. இந்த முழு செயல்முறையின் போதும் வினாத்தாள் கசிவு அல்லது அதுபோன்ற முறைகேடுகள் எதுவும் நடைபெறவில்லை.
புதிய ஆண்டு காலண்டரின் நன்மைகள்
மேலும், ஒரு அமைப்பு மேம்பாடாக, ரயில்வே அமைச்சகம் 2024 ஆம் ஆண்டு முதல் பல்வேறு குரூப் ‘சி’ பதவிகளுக்கான ஆட்சேர்ப்புக்காக ஆண்டு காலண்டரை வெளியிடும் முறையை அறிமுகப்படுத்தியுள்ளது. இதன் மூலம் தேர்வர்களுக்கு அதிக வாய்ப்புகள் கிடைக்கும் என்றும் ஒவ்வொரு ஆண்டும் தகுதி பெறும் நபர்களுக்கு வாய்ப்புகள் கிடைக்கும் என்றும் எதிர்பார்க்கப்படுகிறது.. மேலும் தேர்வுகள் குறித்த உறுதித்தன்மை, வேகமான ஆட்சேர்ப்பு செயல்முறை, பயிற்சி மற்றும் நியமனங்கள் ஆகிய நன்மைகளும் கிடைக்கும்..
