உடல் உழைப்பு ஒவ்வொரு நாளும் முக்கியமானது என்றாலும் அளவுக்கு மிஞ்சிய சோர்வையும், அசதியையும் தரும் போது அது ஒரு சோதனை தான். சிறிதளவு உடல் செயல்பாடு கூட உங்களை சோர்வடைய செய்யலாம்.
எனினும் இது குறித்து கவலை கொள்ள வேண்டியதில்லை இந்த சிக்கலை தீர்க்க வலி நிவாரண மருந்துகளை எடுத்துகொள்ள வேண்டியதில்லை.இயற்கையான முறையில் வலியை குறைக்க வீட்டு வைத்தியம் செய்யலாம். இது பாதுகாப்பானது, பக்கவிளைவில்லாதது. அதோடு உடல் அசதியையும் சோர்வையும் போக்கி உடலுக்கு சுறுசுறுப்பு அளிக்க கூடியது. என்ன செய்யலாம் என்பதை பார்க்கலாம்.
உடல்வலிகள் பொதுவாக மருத்துவ நிலையின் அறிகுறி என்று சொல்லலாம் இவை பாதிப்பில்லாதவை என்றாலும் கவனம் செலுத்த வேண்டிய விஷயமும் கூட. உடல் வலிக்கு காரணம் என்ன என்பதை கண்டுபிடிப்பது அவசியமானது.
மன அழுத்தம், நீரிழிவு, போதுமான தூக்கமின்மை, நாள்பட்ட சோர்வு, நிமோனியா, ஃபைப்ரோமியால்ஜியா – இது உடல் முழுவதும் வலியை உண்டாக்கும் நாள்பட்ட நீண்ட கால மருத்துவ நிலை, காய்ச்சல் மற்றும் ஜலதோஷம், நுண்ணுயிர் தொற்றுகள், ரத்த அழுத்தத்துக்கு சிகிச்சையளிக்க பயன்படுத்தப்படும் மருந்துகள், உடலில் திரவம் தேங்கி இருப்பது, தசைகள் வீங்கி நரம்புகள் அழுத்தம் உண்டாகும் போது உடல் வலி உண்டாகும்.
இரத்த ஓட்டத்தில் பொட்டாசியம் குறைவாக இருப்பதால் உண்டாகும் நிலை போன்றவை எல்லாமே உடல் வலிக்கான காரணங்களில் ஒன்றாக இருக்கலாம். இந்த வலியை குறைக்கும் இயற்கை வைத்தியங்கள் குறித்து பார்க்கலாம்.
ஆப்பிள் சாறு வினிகர் ஆப்பிள் சீடர் வினிகர் அழற்சி எதிர்ப்பு பண்புகளை கொண்டிருக்கிறது. இது வலி மற்றும் வீக்கத்தை நீக்குகிறது.
ஆப்பிள் சீடர் வினிகர் – 1 டீஸ்பூன், வெதுவெதுப்பான நீர் – 1 டம்ளர், தேன் – ருசிக்கேற்ப
ஒரு கிளாஸ் வெதுவெதுப்பான நீரில் ஒரு டீஸ்பூன் ஆப்பிள் சீடர் வினிகர் சேர்த்து நன்றாக கலக்கி எடுக்கவும். ருசிக்கேற்ப சிறிது தேன் கலந்து குடிக்கலாம். குளிக்கும் நீரில் ஆப்பிள் சீடர் வினிகர் ஊற்றி குளிக்கலாம். எப்சம் சால்ட் கலந்தும் குளிக்கலாம். தினமும் இரண்டு முறை இதை குடித்து வரலாம்.
குளிர் ஒத்தடம் பாதிக்கப்பட்ட இடத்தில் நரம்பு செயல்பாட்டை குறைப்பதன் மூலம் உடல் வலிகளை குறைக்க செய்யலாம். குளிர்ந்த ஒத்தடம் மயக்க மருந்து விளைவு போல் செயல்படுவதால் இது உடல் வலியிலிருந்து விரைவான நிவாரணத்தை வழங்குகிறது.
ஐஸ்கட்டியை வலி இருக்கும் இடங்களில் பயன்படுத்துங்கள். 10 நிமிடங்கள் வரை ஐஸ் கட்டியை அப்படியே அல்லது மெல்லிய துணியில் சுற்றி 10 நிமிடங்கள் வரை ஒத்தடங்கள் கொடுங்கள். தினமும் மூன்று முறை வரை ஒத்தடம் கொடுத்து வந்தால் வலி உணர்வு குறைய கூடும்.
இஞ்சி இஞ்சி பைட்டோகெமிக்கல் கொண்டுள்ளது. இது உடல் ஆரோக்கியத்தை ஊக்குவிக்கும். உடலுக்கு நன்மை செய்கிறது. இது சக்தி வாய்ந்த அழற்சி எதிர்ப்பு மற்றும் வலி நிவாரணி பண்புகளை வெளிப்படுத்துகிறது. இது உடல் வலியில் இருந்து விடுபட உதவும்.
இஞ்சியை சிறு துண்டுகளாக வெட்டி வைக்கவும் – 1 டீஸ்பூன், தண்ணீர் – 1 கப், தேன் – தேவைக்கு
ஒரு கப் தண்ணீரில் இஞ்சி சிறு துண்டு சேர்க்கவும். இதை கொதிக்க வைத்து இலேசாக கொதி வரும் போது இறக்கி அதில் தேன் சேர்த்து வெதுவெதுப்பாக இருக்கும் போது குடிக்கலாம். தினமும் இரண்டு அல்லது மூன்று முறை குடிக்கலாம்.
மஞ்சள் உடல் வலிக்கு மஞ்சள் நல்ல சிகிச்சை என்று சொல்லலாம். இது அழற்சி எதிப்பு, வலி நிவாரணி மற்றும் குணப்படுத்தும் பண்புகளை கொண்டுள்ளது. இது உடல் வலிகளை எதிர்த்து போராடவும், ஒட்டுமொத்த ஆரோக்கியத்தையும் நோய் எதிர்ப்பு சக்தியையும் அதிகரிக்க உதவும்.
மஞ்சள் தூள் – அரை டீஸ்பூன், பால் – 1 டம்ளர், தேன் – இனிப்புக்கேற்ப
பால் நன்றாக காய்ச்சி அதில் அரை டீஸ்பூன் மஞ்சள் தூள் சேர்த்து இறக்கி பால் இலேசாக குளிரவைத்த பிறகு சிறிது தேன் சேர்க்கவும். இதை தினமும் ஒரு முறை குடித்து வரலாம். தினமும் இரவு நேரத்தில் இதை குடித்து வருவதன் மூலம் உடல் வலி குறைய செய்யலாம்.
இலவங்கப்பட்டை இலவங்கப்பட்டை மசாலா. இது உணவுகளுக்கு சுவை கூட்ட பயன்படுத்தப்படுகிறது. இது சக்தி வாய்ந்த அழற்சி எதிர்ப்பு, வலி நிவாரணி மற்றும் குணப்படுத்தும் பண்புகளை கொண்டுள்ளது. இது உடல் வலிக்கு சிகிச்சையளிக்க பயன்படுகிறது. ஆரோக்கியத்தை மேம்படுத்தவும் உதவுகிறது.
இலவங்கப்பட்டை – 1 டீஸ்பூன், வெதுவெதுப்பான நீர் – 1 டம்ளர், தேன் – தேவைக்கேற்ப
வெதுவெதுப்பான நீரில் ஒரு டீஸ்பூன் இலவங்கப்பட்டை சேர்க்கவும். இதை நன்றாக கலந்து தேன் சேர்த்து குடிக்கவும். தினமும் ஒரு டம்ளர் வீதம் இதை குடித்து வந்தால் போதும்.
சிவப்பு மிளகாய் இது கேப்சசைன் கொண்டிருப்பதால் வலி உணர்வை தடுக்க செய்கிறது. இது இரத்த ஓட்டத்தை தூண்டுகிறது. உடல் வலிகளை எதிர்ப்பதற்கான இயற்கையான வலி நிவாரணியாக செயல்படுகிறது. சிவப்பு மிளகாய் தூள் – கால் டீஸ்பூனில் பாதி அளவு.. தேன் – 2 டீஸ்பூன், வெதுவெதுப்பான நீர் – ஒரு டம்ளர்,
வெதுவெதுப்பான நீரில் சிவப்பு மிளகாய்த்தூள் கலந்து தேன் சேர்த்து கலந்து குடிக்கவும். இதை தினமும் 2 முறை குடித்தால் போதும்.
கடுகு எண்ணெய் கடுகு எண்ணெய் மசாஜ் என்பது தொடர்ச்சியான உடல் வலிகளை எதிர்த்து போராட உதவும் சிறந்த வழி. இந்த எண்ணெயில் ஆலில் ஐசோதியோசயனேட் என்ற கலவை உள்ளது. இது உடலில் உண்டாகும் அழற்சியால் ஏற்படும் வலியை குறைக்க உதவுகிறது.
கடுகு எண்ணெய் இலேசாக சூடேற்றி உடல் முழுக்க மசாஜ் செய்யுங்கள். 30 முதல் 40 நிமிடங்கள் வரை விடவும். தினமும் ஒரு முறை மசாஜ் செய்து வந்தால் உடல் வலி குறையக்கூடும்.
வைட்டமின்கள் உடல் சாதாரணமாக செயல்பட பல்வேறு வைட்டமின்கள் தேவை. வைட்டமின்கள் பி 1, வைட்டமின் டி, வைட்டமின் ஈ ஆகியவற்றில் உள்ள குறைபாடுகள் நரம்பு மற்றும் தசை சேதத்தை உண்டாக்கும். இதன் விளைவாக தசை பலவீனம் மற்றும் வலி ஏற்படுகிறது.
உடல் வலிகள் நீங்க இந்த வைட்டமின்கள் நிறைந்த உணவுகள் உங்கள் அன்றாட உணவில் சேர்க்கவும். இவையெல்லாம் செய்தும் உடல் வலி குறையவில்லை எனில் நீங்கள் மருத்துவரை அணுகுவது நல்லது.
