ரேஷன் கார்டு தொடர்பான முக்கிய அப்டேட்.. இதை செய்யாவிட்டால் உங்கள் கார்டு ரத்து செய்யப்படும்..!

இந்தியாவில் வாழும் ஒவ்வொரு குடிமகனுக்கும் ரேஷன் கார்டு என்பது மிகவும் முக்கியமான ஆவணமாகும். இது அரசு வழங்கும் உணவுப் பொருட்கள், நிதி உதவிகள் மற்றும் பல நலத்திட்டங்களை பெற முக்கியமான அடையாளமாக விளங்குகிறது. குறிப்பாக, குடும்ப அட்டை வைத்திருப்போருக்கு தமிழக அரசு இலவசமாகவும், மிகக் குறைந்த விலையிலும் அத்தியாவசிய பொருட்களை வழங்கி வருகின்றது.

இந்த நிலையில், ரேஷன் கார்டு பயன்படுத்துபவர்கள் தங்களது கார்டுகளை தவறாமல் பயன்படுத்த வேண்டும் என்பது மத்திய மற்றும் மாநில அரசுகளின் நோக்கமாக உள்ளது. இதற்காகவே கடந்த சில மாதங்களாக, KYC (Know Your Customer) அப்டேட் செய்வது கட்டாயம் என அரசு தொடர்ந்து அறிவுறுத்தி வந்தது.

தமிழக அரசின் சமீபத்திய உத்தரவின் படி, ஒரு குடும்பம் அல்லது நபர் தொடர்ச்சியாக ஆறு மாதங்கள் ரேஷன் கார்டைப் பயன்படுத்தவில்லை என்றால், அந்த ரேஷன் கார்டு தற்காலிகமாக ரத்து செய்யப்படும். இதன் காரணமாக, அந்த கார்டு வைத்துக் கொண்டு இனி அரசு வழங்கும் எந்தவொரு பொருளும் பெற முடியாது. ரத்து செய்யப்பட்ட கார்டு மூலம் எந்த ஒரு பயன்பாடும் மேற்கொள்ள முடியாது என்பதோடு, அது செல்லாது என கருதப்படும்.

ரத்து செய்யப்பட்ட கார்டை மீண்டும் செயல்படுத்த விரும்புவோர்,
மூன்று மாதங்களுக்குள் KYC அப்டேட் செய்து முடிக்க வேண்டும். KYC அப்டேட் செய்யத் தவறினால், பழைய கார்டை மீண்டும் இயக்க முடியாது. அந்த நேரத்தில் புதிய ரேஷன் கார்டிற்காகவே விண்ணப்பிக்க வேண்டிய நிலை ஏற்படும்.

KYC அப்டேட் செய்வது எப்படி? KYC என்பது உங்கள் அடையாளம் மற்றும் முகவரியை உறுதி செய்வதற்கான ஒரு நவீன முறை. அதை அப்டேட் செய்ய:

• அருகிலுள்ள உங்கள் வாடிக்கையாளர் ரேஷன் கடைக்கு நேரில் செல்லவும்.
• உங்கள் ஆதார் கார்டு, மொபைல் எண், புகைப்படம் மற்றும் முகவரி சான்றுகள் ஆகியவற்றை கொண்டு செல்ல வேண்டும்.
• OTP மூலம் அடையாள உறுதிப்படுத்தல் செய்யப்படும்.
• உங்கள் தகவல்கள் சரிபார்க்கப்பட்ட பிறகு, KYC பதிவு செய்யப்படும்.

தமிழக அரசு மற்றும் மத்திய அரசு இரண்டும், உண்மையான பயனாளிகளை அடையாளம் காண விரும்புகின்றன. செயல்பாடில்லாத அல்லது போலியான ரேஷன் கார்டுகளை நீக்க இந்த முயற்சி மேற்கொள்ளப்படுகிறது. உணவுப் பொருள் மற்றும் நிதி ஆதரவுகள் தவறான நபர்களிடம் செல்லாமல், உண்மையான பயனாளிகளுக்கு போக வேண்டும் என்பதே அரசின் நோக்கம்.

Read more: புதிய விதிமுறை…! தமிழகம் முழுவதும் இனி தொழில் உரிமம் பெற கட்டணம்..! தமிழக அரசு அதிரடி உத்தரவு…!