வங்கிகள் சம்பந்தப்பட்ட மோசடிகள் உட்பட பல்வேறு சைபர் குற்றங்கள் நாடு முழுவதும் அதிகரித்துள்ளன. சமூக வலைதளங்களில் பரவும் செய்திகளில் உள்ள இணைப்புகளைக் கிளிக் செய்தால், அவை உங்களை மிகவும் அதிநவீனமாகத் தோன்றும் பக்கத்திற்கு அழைத்துச் செல்லும், ஆனால் அவ்வாறு செய்தால், நீங்கள் லட்சக்கணக்கில் பணத்தை இழக்க நேரிடும். எனவே சைபர் மோசடியில் இருந்து எப்படி தப்பிப்பது என்று தற்போது பார்க்கலாம்..
பொதுவாக, வங்கி தொடர்பாக வரும் செய்தியில் வங்கியின் பெயர் சேர்க்கப்படும். VM-HDFCBK, AD-hdfcbn மற்றும் JD-HDFCBK ஆகியவை தகவல்தொடர்புகளை வழங்க HDFC வங்கி பயன்படுத்தும் சில செய்தி பெயர்கள் ஆகும்.. அதே போல் எந்த ஒரு வங்கியும் தனது வாடிக்கையாளர்களைத் தொடர்புகொள்ள, தனிப்பட்ட எண்ணைப் பயன்படுத்துவதில்லை. எனவே, தனிப்பட்ட எண்ணிலிருந்து வரும் எந்த ஒரு செய்தியையும் நம்ப வேண்டாம்.. அந்த செய்திகளை தவிர்ப்பது நல்லது..
பெரும்பாலும், வங்கிகள் வாடிக்கையாளர்களுக்கு எந்த ஒரு தகவல் தொடர்பு நடவடிக்கைக்கும் இணைப்புகளை (Link) அனுப்புவதில்லை.. நீங்கள் UPIஐப் பயன்படுத்தி பணம் செலுத்த முயற்சித்தால் மட்டுமே வங்கியின் செய்தியில் இணைப்பு சேர்க்கப்படும். எனவே, உங்கள் தகவல்தொடர்புக்கு வங்கியின் பெயரில் வரும் செய்தியில் இணைப்பு இருந்தால், அதை கிளிக் செய்ய வேண்டாம்.. உதாரணமாக, “உங்கள் பான் எண்ணை இந்த இணைப்பின் மூலம் ஆதாருடன் இணைக்கவும்” கேஒய்சி அப்டேட் என எந்த பணிகளுக்கும் வங்கிகள் இணைப்புகளை அனுப்பாது.. அப்படி இணைப்புகள் வரும் பட்சத்தில், அவை சைபர் குற்றவாளிகள் அனுப்பும் மோசடி இணைப்பாக இருக்கலாம்.. எனவே இதுபோன்ற இணைப்புகளை ஒருபோதும் கிளிக் செய்யக் கூடாது..
மொழி மற்றும் இலக்கணம் ஆகியவை மோசடி செய்தியின் ஒரு முக்கியமான அறிகுறியாகும்.. மக்களை ஏமாற்ற மோசமான மொழி மற்றும் மோசமான இலக்கணத்தை சைபர் குற்றவாளிகள் பயன்படுத்துகின்றனர். எனவே அதுபோன்ற செய்திகளை நம்ப வேண்டாம்.. ஒரு மோசடி செய்தி என்பது பெரும்பாலும் சேவைகள் நிறுத்தப்படும் அல்லது முடக்கப்படும் என்ற எச்சரிக்கையுடன் வரும்.. உதாரணமாக, மின் கட்டணம் செலுத்தவில்லை எனில் மின் இணைப்பு துண்டிக்கப்படும், கேஒய்சி அப்டேட் செய்யவில்லை எனில் வங்கிக்கணக்கு முடக்கப்படும் என்பது போன்ற செய்தி வந்தால், அது மோசடி செய்தி என்று அர்த்தம்.. எனவே இதுபோன்ற செய்திகள் வந்தால் கவனமாக செயல்பட வேண்டும்..
