ஐபிஎல் கிரிக்கெட் தொடரில் இன்று 2 லீக் ஆட்டங்கள் நடைபெற இருக்கின்றன. பிற்பகல் 3:30 மணி அளவில் நடைபெறும் 45 வது போட்டியில் லக்னோ அணியை சென்னை அணி எதிர்கொள்கிறது. லக்னோவில் இருக்கின்ற ஏகானா விளையாட்டு மைதானத்தில் இந்த போட்டி நடைபெற உள்ளது.
புள்ளி பட்டியலை பொறுத்தவரையில் 3வது இடத்தில் இருக்கும் லக்னோ அணிக்கும், 4வது இடத்தில் இருக்கும் சென்னை அணிக்கும் இந்த போட்டி மிகவும் அவசியம் என்பதால் வெற்றி பெறுவதற்காக இரு அணிகளுமே கடுமையாக போராடும் என்று ரசிகர்கள் கருதுகிறார்கள். கடந்த முறை நடைபெற்ற பஞ்சாப் மற்றும் சென்னை அணிகளுக்கு இடையிலான ஆட்டத்தில் 200 ரன்களை சேர்த்தும் சென்னை அணியால் வெற்றி பெற முடியவில்லை.ஆகவே இந்த ஆட்டத்தில் பந்துவீச்சில் நிச்சயமாக மாற்றம் இருக்கும் என்று எதிர்பார்க்கப்படுகிறது.
அதேபோல இன்று இரவு 7.30 மணி அளவில் பஞ்சாப் மாநிலத்தில் நடைபெறும் 46 வது லீக் போட்டியில் பஞ்சாப் அணி மும்பை அணியை சந்திக்கிறது. புள்ளி பட்டியலில் பஞ்சாப் அணி 6வது இடத்திலும், மும்பை அணி 7வது இடத்திலும் இருக்கின்றன. ஆகவே இன்றைய போட்டியில் வெற்றி பெற்று ப்ளே ஆப் சுற்றுக்கு முன்னேற பஞ்சாப் மற்றும் மும்பை அணிகள் கடுமையாக போராடும் என்பதால் இந்த ஆட்டத்தில் விறுவிறுப்புக்கு பஞ்சம் இருக்காது.
