பயணிகளின் பாதுகாப்பு மற்றும் வசதியைக் கருத்தில் கொண்டு, ரயில்வே மதுபானம் தொடர்பாக சில கடுமையான விதிகளை அமல்படுத்துகிறது. ரயிலில் போதைப்பொருட்களை எடுத்துச் செல்ல முடியுமா? இதுகுறித்து பார்க்கலாம்..
இந்திய ரயில்வே சட்டம் – 1989-இன் படி, ரயில்களில் மதுபானம் எடுத்துச் செல்வதற்கு முழுமையான தடை இல்லை. ஆனால், இது அந்தந்த மாநிலங்களின் சட்டங்களைப் பொறுத்தது. மதுபானம் தடை செய்யப்படாத மாநிலங்களில் மட்டுமே, குறிப்பிட்ட அளவு மதுபானம் எடுத்துச் செல்ல அனுமதிக்கப்படுகிறது. இருப்பினும், ரயில்களில் மது அருந்துவது முற்றிலும் தடைசெய்யப்பட்டுள்ளது. நடைமேடையில்கூட மது அருந்தக்கூடாது.
நாட்டின் சில மாநிலங்களில் மதுபானத்திற்கு முழுமையான தடை உள்ளது. குஜராத், பீகார், நாகாலாந்து மற்றும் லட்சத்தீவு போன்ற மாநிலங்களுக்கு அல்லது அந்த மாநிலங்கள் வழியாக ரயிலில் மதுபானம் எடுத்துச் செல்வது குற்றமாகக் கருதப்படுகிறது. அந்த மாநிலங்களின் கலால் சட்டங்களின்படி கடுமையான நடவடிக்கை எடுக்கப்படும்.
ரயிலில் எவ்வளவு மதுபானம் எடுத்துச் செல்லலாம்?
ரயில்வே விதிமுறைகளின்படி, தனிப்பட்ட பயன்பாட்டிற்காக மட்டுமே குறிப்பிட்ட அளவு மதுபானம் எடுத்துச் செல்ல அனுமதிக்கப்படுகிறது. முக்கிய விதிகள் பின்வருமாறு:
அதிகபட்சமாக 2 லிட்டர் மட்டுமே அனுமதிக்கப்படுகிறது.
மதுபான பாட்டில் முழுமையாக சீல் செய்யப்பட்டிருக்க வேண்டும்.
திறந்த பாட்டில்களை எடுத்துச் செல்ல தடை விதிக்கப்பட்டுள்ளது.
காலி பாட்டில்களைக்கூட எடுத்துச் செல்ல வேண்டாம்.
இந்த விதிகளைப் பின்பற்றினால் எந்தப் பிரச்சனையும் இருக்காது. ரயிலில் பயணம் செய்யும்போது மது அருந்துவது சட்டத்திற்கு எதிரானது. நடைமேடையில்கூட மது அருந்தக்கூடாது. அவ்வாறு செய்வது மற்ற பயணிகளுக்கு சிரமத்தையும் பாதுகாப்புப் பிரச்சனைகளையும் ஏற்படுத்தும். இதற்காக ரயில்வே காவல்துறையினராலும் நடவடிக்கை எடுக்கப்படும். சில சமயங்களில், அபராதத்துடன் சிறைத் தண்டனையும் விதிக்கப்பட வாய்ப்புள்ளது.
ரயில்வே சட்டத்தின்படி, விதிகளை மீறினால், 6 மாதங்கள் வரை சிறைத் தண்டனையும், ரூ. 500 முதல் ரூ. 1000 வரை அபராதமும் விதிக்கப்படும். தேவைப்பட்டால், இரண்டும் சேர்த்து விதிக்கப்படும். மதுபானம் தடை செய்யப்பட்ட மாநிலங்களில் பிடிபட்டால், அந்த மாநிலத்தின் சட்டங்களின்படி கைது, பெரும் அபராதம், சிறைத் தண்டனை மற்றும் கடுமையான நடவடிக்கை எடுக்கப்படும்.
Read More : 2026 பட்ஜெட்டில் AI முக்கியப் பங்கு வகிக்குமா? மக்களின் வாழ்வில் இணையும் செயற்கை நுண்ணறிவு..!
