சுற்றுலா துறையை மேம்படுத்த, சுற்றுலா பயணிகளுக்கு நிதியுதவி வழங்கும் புதிய திட்டத்தை தைவான் அரசு அறிவித்துள்ளது.
கொரோனா பெருந்தொற்று சர்வதேச அளவில் மிகப்பெரிய பொருளாதார நெருக்கடியை ஏற்படுத்தியது.. அந்த வகையில் கொரோனாவுக்கு பின் ஏற்பட்ட பொருளாதார சிக்கல்களால் கடுமையாக பாதிக்கப்பட்டுள்ள தைவான் நாட்டில் சுற்றுலாவை மேம்படுத்த புதிய திட்டத்தை அந்நாட்டு அரசு அறிவித்துள்ளது. பொருளாதார நெருக்கடியால் போராடும் சுற்றுலாத் துறைக்கு ஆதரவளிக்கும் நோக்கத்துடன், தனிப்பட்ட சுற்றுலாப் பயணிகள் மற்றும் சுற்றுலாக் குழுக்களுக்கு நிதிச் சலுகைகளை வழங்கும் திட்டத்தை தைவான் அரசு அறிவித்துள்ளது…
இந்தத் திட்டத்தின் கீழ், தைவான் அரசாங்கம் 5,00,000 தனிப்பட்ட சுற்றுலாப் பயணிகளுக்கு NT$5,000 (ரூ. 13,600) நிதியுதவியை வழங்க திட்டமிட்டுள்ளது.. தைவான் நாட்டிற்குள் தங்குமிடம், போக்குவரத்து மற்றும் பிற பயணம் தொடர்பான செலவுகளுக்கு இந்த நிதியுதவியை பயன்படுத்தலாம். மேலும் 90,000 சுற்றுலாக் குழுக்களுக்கு NT$20,000 (ரூ. 54,500) வரை நிதியுதவி வழங்க உள்ளது.. சுற்றுலா பயணிகளுக்கு டிஜிட்டல் முறையில் இந்த நிதியுதவி வழங்கப்படும், மேலும் அவர்கள் போக்குவரத்து, தங்குமிடம் மற்றும் பயணம் தொடர்பான பிற செலவுகளை ஈடுகட்ட இந்த பணத்தை பயன்படுத்தலாம்.
தைவான் அரசாங்கத்தின் இந்த திட்டம் உள்நாட்டு சுற்றுலாவை ஊக்குவிக்கும் என்றும், சுற்றுலா துறைக்கு ஆதரவளிக்கும் என்று எதிர்பார்க்கப்படுகிறது. கொரோனா தொற்றுநோயால் கடுமையாகப் பாதிக்கப்பட்டுள்ள சுற்றுலாத் துறையில் பொருளாதாரத்தைத் தூண்டுதல் மற்றும் வேலை வாய்ப்புகளை உருவாக்குதல் ஆகியவற்றை நோக்கமாகக் கொண்டு இந்த திட்டம் அறிமுகம் செய்யப்பட்டுள்ளது. சுற்றுலாப் பயணிகளின் எண்ணிக்கையை விரைவாக அதிகரிப்பதில் அரசு கவனம் செலுத்துவதாகவும், 2025 ஆம் ஆண்டில் சுமார் 10 மில்லியன் பார்வையாளர்களை எதிர்பார்ப்பதாகவும் அதிகாரிகள் தெரிவித்துள்ளனர்…
தைவானில் சுற்றுலா என்பது ஒரு முக்கிய தொழிலாக உள்ளது. நாட்டின் பொருளாதாரத்திற்கு பங்களிப்பதுடன், வேலை வாய்ப்புகளை வழங்குகிறது. இருப்பினும், தொற்றுநோய் சுற்றுலாவில் குறிப்பிடத்தக்க சரிவை ஏற்படுத்தியுள்ளது, பல தொழில் நிறுவனங்கள், தொழிலாளர்கள் தங்கள் வாழ்க்கையை சந்திக்க போராடுகிறார்கள். புதிய திட்டம் தொழில்துறைக்கு மிகவும் தேவையான ஆதரவை வழங்கும் மற்றும் தொற்றுநோயின் தாக்கத்திலிருந்து மீண்டு வர உதவும் என்று எதிர்பார்க்கப்படுகிறது.
