மத்திய அரசின் பொதுத்துறை நிறுவனமான பாரத் எர்த் மூவர்ஸ் லிமிடெட் (BEML) நிறுவனத்தில் காலியாக உள்ள உதவி மேனேஜர் மற்றும் மனிதவள (HR) அதிகாரி பதவிகளுக்கான விண்ணப்பங்கள் பெறப்பட்டு வருகின்றன.
காலிப்பணியிடங்கள்:
அதிகாரி / உதவி மேனேஜர் (HR) – 22
வயது வரம்பு: அதிகாரி பதவிக்கு அதிகபடியாக 29 வயது வரை இருக்கலாம். உதவி மேனேஜர் பதவிக்கு 30 வயது வரை இருக்கலாம். வயது வரம்பில் தளர்வு பின்பற்றப்படும்.
கல்வித்தகுதி: எந்தவொரு துறையிலும் பட்டப்படிப்பு முடித்திருப்பதுடன், 2 ஆண்டு MBA (HR / IR) அல்லது MSW (சமூகப் பணி) / HR / IR உடன் கூடிய சமூகப் பணி முதுகலை பட்டம் (அல்லது) பணியாளர் மேலாண்மை மற்றும் தொழில்துறை உறவுகள் (PM & IR) தொடர்பான முதுகலை பட்டம் அல்லது டிப்ளமோ முடித்திருக்க வேண்டும்.
இப்பதவிகளுக்கு விண்ணப்பிக்கும் முதுகலை பட்டதாரிகள் முதல் வகுப்பில் தேர்ச்சி பெற்றிருக்க வேண்டும் என்பது முக்கிய நிபந்தனையாக அறிவிக்கப்பட்டுள்ளது.
முன்னுரிமை: சட்டம் (Law) மற்றும் மனிதவள (HR) துறைகளில் நிபுணர்த்துவ சான்றிதழ்கள் பெற்றவர்களுக்கு கூடுதல் முன்னுரிமை வழங்கப்படும்.
பணி அனுபவம்:
* HR அதிகாரி பதவிக்கு மனிதவளத் துறையில் குறைந்தது 2 ஆண்டு பணியனுபவம்
* உதவி மேனேஜர் பதவிக்கு மனிதவளத் துறையில் குறைந்தது 4 ஆண்டு பணியனுபவம்
சம்பளம்:
அதிகாரி பதவிக்கு தேர்வாகும் நபர்களுக்கு ரூ.40,000 முதல் ரூ.1,40,000 வரை சம்பளம் வழங்கப்படும்.
உதவி மேனேஜர் பதவிக்கு ரூ.50,000 முதல் ரூ.1,60,000 வரை சம்பளம் வழங்கப்படும்.
தேர்வு செய்யப்படும் முறை:
இப்பணியிடங்களுக்கு விண்ணப்பிக்கும் நபர்களில் இருந்து தகுதிக்கு ஏற்ப ஆட்கள் தெரிவு செய்யப்பட்டு, நேர்காணலுக்கு அழைக்கப்படுவார்கள். நேர்காணலில் தேர்வாகும் நபர்களின் அசல் சான்றிதழ்கள் சரிபார்ப்பு, மருத்துவ பரிசோதனை, அதன் பின்னர் இறுதி தேர்வு பட்டியல் வெளியீடப்படும்.
எப்படி விண்ணப்பிப்பது? இப்பணியிடங்களுக்கு https://bemlindia.in/ என்ற இணையதளம் வழியாக ஆன்லைன் மூலம் விண்ணப்பிக்க வேண்டும்.
கடைசி நாள்: 07.01.2026 மாலை 6 மணி வரை.
Read more: குடல் அசைவுகளின் போது இந்த அறிகுறிகள் தெரிகிறதா..? புற்றுநோயாக இருக்கலாம்..! – மருத்துவர் வார்னிங்..
