தமிழ்நாடு அஞ்சல் துறை வட்டத்தில் காலியாக உள்ள 58 கார் ஓட்டுநர் பணியிடங்களுக்கான வேலைவாய்ப்பு அறிவிப்பு வெளியாகியுள்ளது.
இந்த ஓட்டுநர் பதவிக்கு விண்ணப்பிக்க விரும்புவோர் 10ஆம் வகுப்பு தேர்ச்சி பெற்றிருக்க வேண்டும். லேசான மற்றும் கனரக வாகனம் ஓட்டுவதற்கான ஓட்டுநர் உரிமம் இருக்க வேண்டும். மேலும், விண்ணப்பதாரரின் வயதுவரம்பு 31.03.2023 அன்று 18 -27க்குள் இருக்க வேண்டும் என தெரிவிக்கப்பட்டுள்ளது. இடஒதுக்கீட்டு பிரிவினருக்கு அரசு விதிகளின்படி வழக்கமான தளர்வு வழங்கப்படும். நிர்ணயிக்கப்பட்ட வயது வரம்பிற்கு மேல் பட்டியல் சாதிகள்/ பட்டியல் பழங்குடி வகுப்பினர் 5 ஆண்டு வரை வயது வரம்பு சலுகை பெற தகுதியுடைவர்கள். இதர பிற்படுத்தப்பட்ட வகுப்பினர் மூன்றாண்டு வரை வயது வரம்பு சலுகை பெற தகுதியுடைவர்கள்.
இந்தப் பணிக்கு ரூ.19,900 முதல் ரூ. 63,200 வரை மற்றும் அங்கீகரிக்கப்பட்ட படிகள் உண்டு. மேலும், எழுத்துத் தேர்வு மற்றும் செய்முறைத் தேர்வில் பெற்ற மொத்த மதிப்பெண்கள் அடிப்படையில் இறுதிப் பட்டியல் தயாரிக்கப்படும். விண்ணப்பப் படிவத்தை, தமிழ்நாடு அஞ்சல் துறை இணையத்தில் இருந்து பதிவிறக்கம் செய்து கொள்ளலாம். விண்ணப்பம் 31.03.2023-க்குள் சேர வேண்டும் என தெரிவிக்கப்பட்டுள்ளது. விண்ணப்பம் அனுப்ப வேண்டிய முகவரி, ‘ The Senior Manager (JAG), Mail Motor Service, No.37, Greams Road, chennai – 600 006 ஆகும்.
