கேரள மாநிலம் கொல்லம் மாவட்டத்தில் அமைந்துள்ள கொட்டன்குளக்கரா பகவதி அம்மன் கோவில், அதீத சக்தி வாய்ந்த தெய்வமாக பக்தர்களிடையே பரவலாக நம்பப்படுகின்றது. ஆண்டுதோறும் நடைபெறும் திருவிழாக்களில் ஆயிரக்கணக்கான பக்தர்கள் பங்கேற்று, அம்மனுக்கு விழா காண்கின்றனர்.
இக்கோவிலில் பகவதி அம்மன், “கொட்டன்குளக்கரா தேவி” என அழைக்கப்படுகிறாள். அடர்ந்த மரங்கள் சூழ்ந்த, இயற்கை எழிலுடன் குளத்தோரத்தில் அமைந்துள்ள இக்கோவில், பண்டைய காலக்கட்டத்தில் ஒரு அதிசய நிகழ்வை மையமாகக் கொண்டு உருவானதாகக் கூறப்படுகிறது.
ஒருமுறை மாடுகள் மேய்த்த சிறுவர்கள் ஒரு தேங்காயை அருகிலுள்ள கல்லில் உடைத்தபோது, அதிலிருந்து ரத்தம் வெளியேறியது. இது தெய்வீக சக்தி படைத்த இடம் என உணரப்பட்டதையடுத்து, அந்த இடத்தில் சிறிய கோவில் போன்று அமைத்துப் பெண்கள் வழிபட்டு வந்தனர். பின்னர் அந்த வழிபாடுகளில் சிறுவர்களும் பங்கேற்றனர்.
இங்கு, தேங்காய் துருவலில் இருந்து தயாரிக்கப்படும் “பால் போன்று இருக்கும் கொட்டன்” மற்றும் தேங்காய் எண்ணெய்யின் பாகங்களை அம்மனுக்குப் படைத்து வழிபடும் வழக்கங்கள் கடைப்பிடிக்கப்படுகின்றன. அதனால் தான் இந்த கோவில் “கொட்டன்குளக்கரா” என அழைக்கப்படுகிறதாக நம்பப்படுகிறது.
மார்ச் மாதத்தில் நடைபெறும் வருடாந்திர திருவிழா மிகச் சிறப்பாக நடைபெறும். பக்தர்கள் தங்களது வாழ்வில் ஏற்படும் சிக்கல்களுக்கு தீர்வு வேண்டி, தொழில் வளர்ச்சி, செல்வ வளம், குழந்தைப்பேறு போன்ற நலன்கள் வேண்டி இங்கு வந்தால், அம்மன் அருள் அரை வார்த்தைக்கு கிடைக்கும் என்ற நம்பிக்கை நிலவுகிறது.
“கூப்பிட்ட குரலுக்கு ஓடி வருவாள்” என்ற நம்பிக்கையை தாங்கி, பக்தர்களின் வாழ்வில் பல அற்புதங்களை நிகழ்த்தும் தெய்வமாகவே கொட்டன்குளக்கரா பகவதி அம்மன் விளங்குகிறாள். தற்போதைய தலைமுறைக்கு இந்த மரபும், நம்பிக்கையும் தொடரச் செய்வதற்காகவே இவ்விழாக்கள் நடைபெற்று வருகிறன.
Read more: 50 வருடங்களில் 380 படங்கள்.. கேன்சர் பாதிப்பால் போராடும் பிரபல நடிகர்..!! உதவி செய்த மம்மூட்டி..
