தி லெஜண்ட் சரவணா ஸ்டோர் உரிமையாளரான சரவணன் அருள் கடந்த 2022இல் வெளியான ‘தி லெஜண்ட்’ திரைப்படத்தின் மூலம் நடிகராக அறிமுகமானார். தனது முதல் படத்தில் அவருக்கு கிடைத்த வரவேற்பை தொடர்ந்து, சரவணன் இப்போது தனது இரண்டாவது படத்தை எடுக்கும் முயற்சியில் இறங்கியுள்ளார். அவர் சமீபத்தில் தனது அடுத்த படத்திற்கான தாடி வைத்த புதிய படத்தை இணையத்தில் வெளியிட்டார். தற்போது, இரண்டு பிரபல ‘குக் வித் கோமாளி’ பிரபலங்கள் உடன் சரவணன் எடுத்துக்கொண்ட புகைப்படம் வைரலாகி வருகிறது.
புதிதாக வரவுள்ள ஒரு விளம்பர படத்தில் நடித்த போது இந்த படத்தை எடுத்துள்ளனர். விஜய் டிவியின் சூப்பர் ஹிட் நிகழ்ச்சியான CWC மூலம் புகழ் பெற்ற மணிமேகலை மற்றும் ஸ்ருதிகா, சமூக ஊடகங்களில் சரவணனுடன் எடுத்துக் கொண்ட படத்தைப் பகிர்ந்து அவரை பாராட்டியுள்ளனர். இன்ஸ்டாகிராமில், மணிமேகலை இந்த படத்தைப் பதிவிட்டு, “நேற்று நடைபெற்ற, The Legend Saravana Stores புதிய விளம்பரப் படப்பிடிப்பில் எடுத்த புகைப்படம் இது. நம்பிக்கையின் நாயகன் லெஜண்ட் சரவணன் சார், அவர் மிகவும் பணிவானவர். நீண்ட நாட்களுக்குப் பிறகு எனது நண்பர் ஷ்ருதிகாவை சந்தித்ததில் மகிழ்ச்சி” என்று பதிவிட்டிருந்தார்.
