சர்வதேச சினிமா தினம் நாளை கொண்டாடப்பட உள்ளது. இந்நிலையில் திரையரங்குகள் அறிவித்த அந்த அறிவிப்பு செல்லாது என தெரிவித்து ஏமாற்ற்தை ஏற்படுத்தியுள்ளது.
சர்வதேச சினிமா தினத்தை முன்னிட்டு செப்டம்பர் 23 திரையரங்கு டிக்கெட்டின் விலை ரூ.75 என மல்டிபிளக்ஸ் அசோசியேசன் கடந்த இரு வாரம் முன்பு தெரிவித்திருந்தது.
இந்நிலையில் மாநில அரசாங்கத்தின் விதிமுறைகளால் தற்போது இந்த சினிமா தினம் தமிழகத்திற்கு செல்லாது என மல்டிபிளக்ஸ் அசோசியேசன் அறிக்கை வெளியிட்டுள்ளது.
அந்த அறிக்கையில் தமிழகம் மட்டுமல்லாமல் தெலுங்கானா, ஆந்திரா ,கேரளா போன்ற மாநிலங்களிலும் திரையரங்கு டிக்கெட்டின் விலையில் மாற்றம் இல்லை எனவும் தெரிவித்துள்ளது.
இந்த ஒரு நாள் மட்டும் சினிமா டிக்கெட் விலை 75 ரூ. என இருக்கும் என அனைவரும் எதிர்பார்த்திருந்த நிலையில் இந்த அறிவிப்பு அனைவரையும் ஏமாற்றத்திற்குள்ளாக்கியுள்ளது.
