ரெட்ரோ படத்தை தொடர்ந்து நடிகர் சூர்யா தற்போது கருப்பு என்ற படத்தில் நடித்து வருகிறார்.. ஆர்.ஜே பாலாஜி இயக்கும் இந்த படம் சூர்யாவின் 45வது படமாகும்.. இந்த படத்தில் நாயகியாக த்ரிஷா நடிக்கிறார்.. மேலும் நட்டி, ஸ்வாசிகா, ஷிவதா உள்ளிட்டோ இந்த படத்தில் நடித்துள்ளனர்.. சாய் அபயங்கர் இந்த படத்திற்கு இசையமைத்துள்ளார்.. ஆல்பம் பாடல்கள் மூலம் பிரபலமான இவர், கருப்பு படத்தின் மூலம் தமிழ் திரையுலகில் அவர் இசையமைப்பாளராக அறிமுகமாகிறார்..
இந்த நிலையில் சூர்யாவின் பிறந்த நாளான இன்று படக்குழுவினர் கருப்பு பட டீசரை வெளியிட்டுள்ளனர்.. தனது மிரட்டலான லுக், வசனங்கள் மூலம் சூர்யா ஈர்க்கிறார்.. சூர்யாவின் முந்தைய படங்களின் சில ஐகானிக் காட்சிகளும் இதில் இடம்பெற்றுள்ளன.. குறிப்பாக கஜினி படத்தில் தர்பூசணி சாப்பிடும் காட்சியும் இந்த டீசரில் உள்ளது.. எனினும் த்ரிஷாவின் ஒரு காட்சி கூட இந்த டீசரில் இடம்பெறவில்லை.. எனினும் இந்த டீசருக்கு ரசிகர்கள் மத்தியில் வரவேற்பு கிடைத்துள்ளது..
