தற்போது நிம்பஸ் என்று அழைக்கப்படும் NB.1.8.1 என்ற புதிய மாறுபாடு காரணமாக தொற்று பாதிப்பு எண்ணிக்கை அதிகரித்து வருகிறது.
3 ஆண்டுகளுக்கு பின் மீண்டும் கோவிட் பரவல் வேகமெடுத்துள்ளது. கோவிட் தொற்று தொடர்ந்து உருமாறிக் கொண்டே வருவதால், புதிய மாறுபாடுகள் உருவாகி வருகின்றன. அந்த வகையில் தற்போது NB.1.8.1 என்ற புதிய மாறுபாடு காரணமாக உலகம் முழுவதும் தொற்று பாதிப்பு எண்ணிக்கை அதிகரித்து வருகிறது.
இந்த மாறுபாடு, முறைசாரா முறையில் ‘நிம்பஸ்’ என்று அழைக்கப்படுகிறது. இந்த புதிய வகை கொரோனா, கடுமையான தொண்டை வலியை ஏற்படுத்துகிறது, இது ‘ரேசர் பிளேடுகள்’ உடன் ஒப்பிடப்படுகிறது. உலக சுகாதார அமைப்பு (WHO) இந்த புதிய வகையை கண்காணித்து வருகிறது, ஏனெனில் இந்த சமீபத்திய மாறுபாடு ஏற்கனவே ஆசியாவில் 10 சதவீதத்திற்கும் அதிகமான பாதிப்புகள் பதிவாகி உள்ளதாக தகவல்கள் தெரிவிக்கின்றன. NB.1.8.1 மாறுபாடு இப்போது அமெரிக்கா மற்றும் கனடா உட்பட பல நாடுகளில் கண்டறியப்பட்டுள்ளது என்று கூறப்படுகிறது.
NB.1.8.1 அறிகுறிகள்
நிம்பஸ் என்றும் அழைக்கப்படும் கோவிட்-19 மாறுபாடு NB.1.8.1, ஓமிக்ரான் குடும்பத்தின் வழித்தோன்றலாகும், மேலும் கண்காணிப்பில் உள்ள மாறுபாடாக (VUM) உலக சுகாதார அமைப்பால வகைப்படுத்தப்பட்டுள்ளது. NB.1.8.1, பரவலை கட்டுப்படுத்த மாஸ்க் அணிவது, சமூக இடைவெளியைப் பராமரிப்பது மற்றும் பொது சுகாதார வழிகாட்டுதல்களைப் பின்பற்றுவது அவசியம்.
இந்த வகை தொண்டை ‘ரேஸர் பிளேடு தொண்டை’ அல்லது கடுமையான தொண்டை வலியை ஏற்படுத்துவதாக நிபுணர்கள் தெரிவிக்கின்றன. மூக்கடைப்பு, சோர்வு, லேசான இருமல், காய்ச்சல் மற்றும் தசை வலி, மற்றும் சில நேரங்களில் வயிற்றுப்போக்கு மற்றும் குமட்டல் ஆகிய அறிகுறிகள் ஏற்படுகின்றன. உலகளாவிய ஆபத்து ‘தற்போது குறைவாக உள்ளது, மேலும் தற்போதுள்ள கோவிட்-19 தடுப்பூசிகள் கடுமையான நோயைத் தடுப்பதில் பயனுள்ளதாகக் கருதப்படுகின்றன’ என்று WHO தெரிவித்துள்ளது..
நிம்பஸ் வகை கொரோனா மற்ற வகைகளிலிருந்து மரபணுப் பொருளை மூன்று முறை மீண்டும் இணைத்துள்ளதாக நிபுணர்கள் கூறுகின்றனர். மறுசீரமைப்பு செயல்முறை வைரஸ்களின் இயற்கையான செயல்முறையாக இருந்தாலும், மறுசீரமைப்பு நிகழ்வுகள் கவலைக்குரியவை.. ஏனெனில் ஒவ்வொரு முறையும் ஒரு வைரஸ் அவ்வாறு செய்யும்போது, அது மிகவும் கடுமையான நோயை ஏற்படுத்தும் ஒன்றாக பரிணமிக்கும் ஆற்றலைக் கொண்டுள்ளது.
இது ஆபத்தானதா?
நிம்பஸில் உள்ள இந்த பிறழ்வுகளில் ஒன்று, முந்தைய தொற்றுகளிலிருந்து வைரஸுக்கு எதிராக நாம் உருவாக்கிய நோய் எதிர்ப்பு சக்தியைத் தவிர்க்க அனுமதிக்கிறது, எனவே பரவும் தன்மை சற்று அதிகமாக இருக்கலாம் என்று நிபுணர்கள் கூறுகின்றனர்.
கனடாவின் குயெல்ப் பல்கலைக்கழகத்தின் பரிணாம மற்றும் மரபணு உயிரியலாளர் டாக்டர் டி ரியான் கிரிகோரி பேசிய போது “ஒமிக்ரானில் இருந்து அதிக பரவும் தன்மை, ஒரு தொற்றுக்கு எவ்வளவு சேதத்தை ஏற்படுத்துமோ அதே அளவு சேதத்தை ஏற்படுத்தும் என்பதை நாம் கற்றுக்கொண்டோம், மேலும் இந்த கட்டத்தில் கவலைக்குரியது கடுமையான தீவிரம் மட்டுமல்ல, மீண்டும் மீண்டும் தொற்று ஏற்படுவதால் ஏற்படும் நீண்டகால தாக்கங்களும் ஆகும். இத்தகைய தாக்கங்களில் ‘நீண்ட கோவிட்’ போன்ற நிலைமைகளும் அடங்கும். இதில் கோவிட்-19 இன் அறிகுறிகள் மாதங்கள் அல்லது ஆண்டுகள் நீடிக்கும். பெரும்பாலும் நோயாளிகளை முடக்குகின்றன என்று தெரிவித்தார்.
