இஸ்ரோவில் வேலை பார்க்க ஆசையா..? தேர்வு கிடையாது.. வந்தாச்சு அறிவிப்பு.. உடனே அப்ளை பண்ணுங்க..!

இந்திய விண்வெளி ஆராய்ச்சி நிறுவனத்தின் கீழ் செயல்படும் விண்வெளி பயன்பாட்டு மையம் அகமதாபாத்தில் அமைந்துள்ளது. அங்கு தற்போது முக்கிய பணியிடங்களுக்கு ஆட்சேர்ப்பு அறிவிப்பு வெளியிடப்பட்டுள்ளது. இந்த பணியிடங்கள் தற்காலிக அடிப்படையில் நிரப்பப்பட உள்ளன.

பணியிட விவரம்:

• திட்ட விஞ்ஞானி – I : 1 இடம்
• திட்ட அசோசியேட் – I : 12 இடங்கள்

வயது வரம்பு: விண்ணப்பிக்கும் நபர்கள் 11.09.2025 தேதியின்படி, 35 வயது வரை இருக்கலாம். இதில் எஸ்சி, எஸ்டி 5 வருடங்கள், ஒபிசி 3 வருடங்கள் தளர்வு உள்ளது.

கல்வித்தகுதி:

திட்ட விஞ்ஞானி – I (1 இடம்):

• வேளாண் அறிவியலில் முனைவர் பட்டம் பெற்றிருக்க வேண்டும்.
• வேளாண் பொறியியல் / வேளாண்மை தகவல் தொழில்நுட்பத்தில் M.E / M.Tech முடித்திருக்க வேண்டும்.
• குறைந்தது 60% மதிப்பெண்கள் பெற்றிருக்க வேண்டும்.
• அதிக மதிப்பெண்கள் பெற்றவர்கள் மற்றும் Remote Sensing, GIS அனுபவம் உள்ளவர்களுக்கு முன்னுரிமை வழங்கப்படும்.

திட்ட அசோசியேட் – I (12 இடங்கள்)

• Geo-informatics / Remote Sensing / GIS பாடப்பிரிவில் 65% மதிப்பெண்களுடன் தேர்ச்சி அல்லது
• வேளாண் தகவல் தொழில்நுட்பம், Geo-informatics, வேளாண் பொறியியல் துறையில் B.Tech (65%) பெற்றவர்கள் – 7 காலியிடங்கள்.
• கணினி அறிவியல் / Data Science துறையில் B.Tech (65%) முடித்தவர்கள் – 1 காலியிடம்.
• வேளாண் அறிவியலில் M.Sc (65%) முடித்தவர்கள் – 4 காலியிடங்கள்.

சம்பளம்: திட்ட விஞ்ஞானி பதவிக்கு தேர்வாகும் நபர்களுக்கு மாதம் ரூ.56,000 மற்றும் HRA வழங்கப்படும். திட்ட ஆசோசியேட் பதவிக்கு மாதம் ரூ.31,000 மற்றும் HRA வழங்கப்படும்.

தேர்வு செய்யப்படும் முறை:

* அகமதாபாத் விண்வெளி பயன்பாட்டு மையத்தில் (SAC) நிரப்பப்பட உள்ள திட்ட விஞ்ஞானி மற்றும் திட்ட அசோசியேட் பணியிடங்களுக்கு எழுத்துத் தேர்வு நடத்தப்படாது.

* விண்ணப்பித்தவர்களில் இருந்து தகுதியானவர்கள் மட்டும் தெரிவு செய்யப்பட்டு நேர்காணலுக்கு அழைக்கப்படுவார்கள்.

* நேர்காணல் மூலமே இறுதி தேர்வு நடைபெறும்.

* நேர்காணல் தொடர்பான தனிப்பட்ட அழைப்பிதழ் அனுப்பப்படாது.

* பதிலாக, தேர்வானவர்களின் பட்டியல் இணையதளத்தில் வெளியிடப்படும்.

* இப்பதவிகள் தற்காலிக அடிப்படையில் நிரப்பப்பட உள்ளன.

எப்படி விண்ணப்பிப்பது? விண்ணப்பிக்க விரும்பும் நபர்கள் https://careers.sac.gov.in/ என்ற இணையதளத்தில் ஆன்லைன் வழியாக மட்டும் விண்ணப்பிக்க வேண்டும். செப்டம்பர் 22-ம் தேதி வரை விண்ணப்பிக்கலாம்.

Read more: சளி.. இருமல்.. இதயம்.. சருமம்.. இது எதுவும் பாதிக்காம இருக்க இந்த ஒரு பொருள் போதும்..!