இன்றைய வாழ்க்கை முறையில் மன அழுத்தத்தை கையாள்வது என்பது மிகவும் முக்கியமான ஒன்றாகும். பொதுவாக, மனச்சோர்வு பல காரணங்களால் ஏற்படலாம். அது நிதி நிலை, காதல் அல்லது நட்பில் துரோகம், குடும்ப பிரச்சனை, வேலையின்மை மற்றும் தோல்வி போன்ற விஷயங்களாக இருக்கலாம். பல சமயங்களில் நம்மால் நிலைமையைக் கட்டுப்படுத்த முடியாமல் ஏமாற்றம் அடைகிறோம். இப்படிப்பட்ட சூழ்நிலையில் தேவையில்லாமல் நம்மையே மன உளைச்சலுக்கு ஆளாக்கிக் கொள்கிறோம். மன அழுத்தம் காரணமாக, நமது உடலின் இயல்பான செயல்பாடு பாதிக்கப்படலாம். டென்ஷனை எப்படி விரட்டுவது என்று இங்கு தெரிந்து கொள்வோம்.
குடும்பம் மற்றும் நண்பர்களுடன் தொடர்பை அதிகரிக்கவும்: பலர் மனச்சோர்வு காரணமாக அறைக்குள் தங்களைப் பூட்டிக்கொள்கின்றனர். மேலும், செல்போன் மற்றும் இன்டர்நெட்டையும் முடக்குகிறார்கள். உலகத்தில் இருந்து துண்டிக்கப்படுவது மன அழுத்தத்திற்கு தீர்வாகாது. சமூகமயமாக்கல் உங்கள் மனநிலையை மேம்படுத்தலாம். தனிமையில் இருப்பதற்குப் பதிலாக உங்களின் நெருங்கிய நண்பர்கள் மற்றும் குடும்ப உறுப்பினர்களைச் சந்தித்து முடிந்தவரை பேச முயற்சிப்பது நல்லது. இதனால் மன அழுத்தம் நீங்கலாம்.
ஆரோக்கியமான உணவை உண்ணுங்கள்: சிலருக்கு மனச்சோர்வு இருக்கும்போது சாப்பிட மனமில்லை, எடை குறைவாக இருக்கும். இதை ஒருபோதும் செய்யாதீர்கள். அத்தகைய சூழ்நிலையில் அதிக ஆரோக்கியமான உணவை உண்ண முயற்சி செய்யுங்கள். இது உடல் மற்றும் மனதில் நேர்மறையான விளைவை ஏற்படுத்தும் மற்றும் உங்கள் மன அழுத்தம் நீங்கும்.
சில வேலைகளில் உங்களை ஈடுபடுத்திக் கொள்ளுங்கள்: மனச்சோர்வின் போது உங்களை வேலையில் இருந்து விடுவித்துக் கொண்டால், மன அழுத்தம் மேலும் அதிகரிக்கக் கூடும். இதற்கு நீங்கள் சில நேர்மறையான வேலைகளில் ஈடுபடுவது முக்கியம். இது உங்கள் கவனத்தைத் திசைதிருப்பும் மற்றும் எதிர்மறையான சிந்தனையை மெதுவாக்கும். மெதுவாக மன அழுத்தம் காணாமல் போய்விடும்.
சிரமங்களை எதிர்கொள்ள கற்றுக்கொள்ளுங்கள்: உங்களுக்கு கடினமாக இருக்கும் விஷயங்களை விட்டு ஓடாதீர்கள். அவற்றை உறுதியாக எதிர்கொள்ளுங்கள். மக்கள் கவலைப்படும்போது, அவர்கள் சில சமயங்களில் மற்றவர்களுடன் பேசுவதைத் தவிர்க்கிறார்கள். ஏனெனில், அவர்கள் சங்கடமாக உணர்கிறார்கள். எனவே, முதலில் வாழ்க்கையின் பிரச்சனையை அடையாளம் கண்டு, அதை எப்படி சமாளிப்பது என்று சிந்தியுங்கள்.
