போஸ்ட் ஆபிஸ் திட்டத்தில் வாடிக்கையாளர்கள் கேஷ்பேக், கடன் வசதி, வீட்டு வாசலில் வங்கிச்சேவை உட்பட பல்வேறு வசதிகளைப் பெற்றுக்கொள்ள முடியும்.
ஏராளமான கிராமப்புற மக்கள் போஸ்ட் ஆபிஸில் கணக்கு துவங்கி அவர்களால் முடிந்த தொகையை முதலீடு செய்து நல்ல வருமானத்தை பெறுகின்றனர். மக்களின் வசதிக்கேற்றவாறு போஸ்ட் ஆபிஸிலும் பல சேமிப்பு திட்டங்கள் அறிமுகப்படுத்தப்பட்டு வருகிறது. இப்போது போஸ்ட் ஆபிஸ் பிரீமியம் சேமிப்புக் கணக்கின் மூலம் தன் வாடிக்கையாளர்களுக்கு சிறந்த பலன்களை அளித்து வருகிறது. இதன் கீழ் வாடிக்கையாளர்கள் கேஷ்பேக், கடன் வசதி, வீட்டு வாசலில் வங்கிச்சேவை உட்பட பல்வேறு வசதிகளைப் பெற்றுக்கொள்ள முடியும்.
இத்திட்டத்தில் வாடிக்கையாளர்கள் எவ்வளவு வேண்டுமானாலும் பணத்தை எடுத்துக்கொள்ளவோ, டெபாசிட் செய்யவோ முடியும். இந்த திட்டம் பிற வங்கிகளைப் போன்றே உங்களுக்கு வீட்டிலிருந்தபடி பல்வேறு சேவைகளை பயன்படுத்திக் கொள்ளும் வசதியை வழங்குகிறது. இத்திட்டத்தில் நீங்கள் கடன் உதவியும் பெற்றுக்கொள்ள முடியும். அத்துடன் அனைத்து வித கட்டணத்திற்கு கேஷ்பேக் கிடைக்கும். மேலும், இந்த திட்டத்தில் பங்களிப்பதன் மூலம் டெபிட் கார்டுகளும் வழங்கப்படுகிறது. போஸ்ட் ஆபிஸில் இந்த சேமிப்பு கணக்கை 10 வயதுக்கு மேற்பட்டோர் திறந்துக்கொள்ளலாம். அவ்வாறு கணக்கை துவங்கும்போது ரூ.149 ஜிஎஸ்டி செலுத்த வேண்டும். மேலும், ஆண்டுதோறும் ரூ.99 மற்றும் ஜிஎஸ்டி செலுத்த வேண்டும். கணக்கை திறக்கையில் நீங்கள் ரூ. 200 டெபாசிட் செய்ய வேண்டியது அவசியம். இந்த திட்டத்தில் சேருவதற்கு நீங்கள் கேஒய்சி செய்துக்கொள்ள வேண்டியது அவசியம் என்பதை நினைவில் வைத்துக்கொள்ளுங்கள்.
