இழந்த அழகை திரும்ப பெற, கணவன் மனைவி ஒற்றுமை நீடிக்க, செல்வம் பெருக, அண்ணன் தங்கை ஒற்றுமை நீடிக்க தரிசிக்க வேண்டிய ஆலயம் ஒன்று உள்ளது என்றால் அது திருக்கள்வனூர் கள்வ பெருமாள் கோவில்தான்.
காஞ்சிபுரம் நகரின் புனிதமான பாசுரங்களுக்கு நடுவே, திருக்கள்வனூர் என்றழைக்கப்படும் ஒரு அரிய தலத்தில், கள்வப் பெருமாள் திகழ்கிறார். இது திருமாலின் 108 திவ்ய தேசங்களில் 55வது தலம் ஆகும். இது தனிச்சிறப்புடன் காணப்படும் தலம். ஏனெனில் இங்கே பெருமாளுக்கு தனி கோவில், விழா, நைவேத்தியம் என்று எதுவுமே இல்லாது, காமாட்சி அம்மனின் ஆட்கழியில் நின்று வழிபடப்படுகிறார்.
இத்தலம் திருமங்கையாழ்வார் ஒருவரால் மட்டுமே மங்களாசாசனம் பெற்ற தலம். காஞ்சிபுரம் காமாட்சி அம்மன் கோவிலுக்குள்ளே உள்ள காயத்ரி மண்டபத்தில் நான்கு கரங்களுடன் நின்ற நிலையில், கள்வப் பெருமாள் சிறிய உருவத்தில் காட்சி தருகிறார். இது 108 திவ்ய தேசங்களில் மிகச் சிறிய வடிவத்தில் இருக்கும் ஒரே பெருமாள். அவர் முன்னே மகாலட்சுமி அருள்பாலிக்க, பின்னால் சுவரில் அரூபமாகவும் காட்சி தருகிறார்.
கள்வப் பெருமாளின் தோற்ற வரலாறு:
ஒருமுறை வைகுண்டத்தில் திருமகளும் திருமாலும் பேசிக் கொண்டிருந்தபோது, அழகு குறித்த பெருமை வாயிலான உரையாடல் நடந்தது. இதில் மகாலட்சுமியின் கர்வத்தால், திருமால் “அழகு குறித்து பெருமை கொண்டு இருக்கின்றாயே, இனி அரூபமாக இருப்பாய்” என சாபம் அளிக்கிறார். அதைத் தீர்க்க, ஒரே தவத்தில் நூறு தவ பலன் தரும் தலத்திற்கு செல் என வழிகாட்ட, மகாலட்சுமி காஞ்சிபுரம் வந்தார். இங்கே காமாட்சியின் பாசம் நீக்கிய தலத்தில், மகாலட்சுமி தவம் செய்து பழைய அழகை மீட்டபோது, அதை பெருமாள் “கள்ளத்தனமாக ரசித்ததால்” அவருக்கு ‘கள்வப் பெருமாள்’ என்ற திருநாமம் ஏற்பட்டது.
வழிபாட்டு சிறப்புகள்:
* இங்கு பெருமாளுக்கு தனி கோவில் இல்லை
* தனியான உற்சவர், விழா, அர்ச்சகர், நைவேத்தியம் எதுவும் கிடையாது
* வைகுண்ட ஏகாதசி, நவராத்திரி விழாக்கள் மட்டும் மிகச் சிறப்பாகக் கொண்டாடப்படும்.
* காமாட்சிக்கு படைக்கப்படும் தயிர்சாதமே பெருமாளுக்குப் படைக்கப்படுகிறது
* காமாட்சி அம்மனுக்கு பூஜை செய்யும் அர்ச்சகரே பெருமாளுக்கும் பூஜை செய்கிறார்கள்
* இத்தல அரூப லட்சுமியை வணங்கினால் அழகின் மீதான மோகம் நீங்கும். இத்தல பெருமாளையும் மகாலட்சுயையும் ஒரே இடத்தில் தரிசிப்பதால் குடும்பத்தில் செல்வ வளம் பெரும், தொழில் விருத்தி அடையும் என்பது நம்பிக்கை.
Read more: இனி அந்த தொல்லை இருக்காது.. தினமும் 2 முறை மட்டுமே சைபர் கிரைம் காலர் டியூன் வரும்..!!
