அமெரிக்க அதிபர் டொனால்ட் ட்ரம்ப் மீண்டும் தனது சுங்கக் கொள்கையை (Tariff Policy) உறுதியாக பாதுகாத்துள்ளார். தனது ஆட்சிக் காலத்தில் விதிக்கப்பட்ட கடுமையான சுங்க வரிகள் (tariffs) அமெரிக்காவை “உலகின் மிகவும் செல்வமுள்ள மற்றும் மரியாதைக்குரிய நாடாக” மாற்றியதாக அவர் கூறியுள்ளார். விமர்சகர்களை “முட்டாள்கள்” என்று குறிப்பிடும் டிரம்ப், பணக்காரர்களைத் தவிர ஒவ்வொரு அமெரிக்கரும் விரைவில் குறைந்தது 2,000 அமெரிக்க டாலர்கள் (சுமார் ₹1.77 லட்சம்) சுங்க வருவாய் மூலம் பெறுவார்கள் என்றும் தெரிவித்தார்.
ட்ரம்ப் என்ன கூறினார்?
தனது Truth Social கணக்கில் வெளியிட்ட பதிவில் “வரிக்கு எதிராக இருப்பவர்கள் முட்டாள்கள்! இப்போது நாங்கள் உலகின் மிகவும் செல்வமுள்ள, மிகவும் மரியாதைக்குரிய நாடாக இருக்கிறோம். எங்களிடம் கிட்டத்தட்ட பணவீக்கம் இல்லை, பங்குச்சந்தை விலை சாதனை உயரத்தில் உள்ளது. 401(k) ஓய்வூதிய நிதிகள் இதுவரை இல்லாத அளவுக்கு அதிகம். நாங்கள் டிரில்லியன் டாலர்கள் வருவாய் ஈட்டியுள்ளோம்; விரைவில் எங்கள் $37 டிரில்லியன் கடனை குறைக்கத் தொடங்குவோம்.
அமெரிக்காவுக்கு சாதனை முதலீடுகள் வந்து கொண்டிருக்கின்றன, நாட்டின் பல பகுதிகளில் தொழிற்சாலைகள் மற்றும் உற்பத்தி நிலையங்கள் எழுந்து வருகின்றன. விரைவில் ஒவ்வொருவருக்கும் குறைந்தது ரூ.2,000 அளவிலான ‘டிவிடெண்ட்’ வழங்கப்படும் (அதிக வருமானம் உள்ளவர்களைத் தவிர).” என்று பதிவிட்டுள்ளார்..
டொனால்ட் ட்ரம்ப் தனது சுங்கக் கொள்கை (Tariff Policy) அமெரிக்காவுக்குள் முதலீடுகளை பெரிதும் அதிகரித்துள்ளதாக கூறியுள்ளார். “சுங்க வரிகள் காரணமாகவே நிறுவனங்கள் அமெரிக்காவுக்கு மட்டும் வந்து முதலீடு செய்கின்றன,” என்றும் அவர் வலியுறுத்தினார்.
மேலும், உலக வர்த்தக சமநிலையை பாதித்ததாக கூறப்படும் தனது நடவடிக்கைகளை அவர் நியாயப்படுத்தியபோது, அமெரிக்க அதிபரின் அதிகார வரம்பு குறித்து கேள்வி எழுப்பினார்.
மேலும் தனது பதிவில் “சரி, இதை தெளிவாக புரிந்துகொள்ளுங்கள்??? அமெரிக்க அதிபர், காங்கிரஸின் அனுமதியுடன், ஒரு வெளிநாட்டுடன் அனைத்து வர்த்தகத்தையும் நிறுத்த முடியும்.. இது ஒரு சுங்க வரியை விட கடுமையானது! மேலும் ஒரு வெளிநாட்டிற்கு உரிமம் (license) வழங்கலாம். ஆனால், தேசிய பாதுகாப்புக்காக கூட ஒரு சாதாரண சுங்க வரி விதிக்க முடியாது என்கிறீர்களா?”
“இது எங்கள் சிறந்த முன்னோர்கள் நினைத்தது அல்ல! இது முழுக்க முழுக்க அர்த்தமற்றது! பிற நாடுகள் எங்கள் மீது சுங்க வரி விதிக்கலாம், ஆனால் நாங்கள் அவர்கள் மீது விதிக்க முடியாதா??? இது அவர்களது கனவு!!! சுங்க வரிகளால் தான் நிறுவனங்கள் அமெரிக்காவுக்கு வந்து கொண்டிருக்கின்றன. அமெரிக்க உச்ச நீதிமன்றத்துக்கு இது தெரியவில்லையா??? இதென்ன நடக்கிறது??”
அமெரிக்க உச்சநீதிமன்றத்தில் ட்ரம்ப் சுங்க வழக்கு விசாரணை தொடங்கியது
முன்னாள் அதிபர் டொனால்ட் டிரம்ப் தனது ஆட்சிக்காலத்தில் விதித்த உலகளாவிய சுங்க வரிகள் (Tariffs) குறித்து சமீபத்தில் அமெரிக்க உச்சநீதிமன்றம் விசாரணையை தொடங்கியுள்ளது. இதன் பின்னணியில் டிரம்ப் வெளியிட்ட கருத்துகள் பெரும் கவனம் பெற்றுள்ளன.
முக்கிய அம்சங்கள்:
CNN தகவலின்படி, இது பல ஆண்டுகளில் உச்சநீதிமன்றத்தை சென்றடைந்த மிகப் பெரிய பொருளாதார வழக்குகளில் ஒன்றாக கருதப்படுகிறது. நீதிபதிகள், டிரம்ப் அதிபராக இருந்தபோது அவர் முக்கிய வணிகக் கூட்டாளிகள் மீது பரவலான சுங்க வரிகள் விதித்தது சட்டபூர்வமா என்பதை ஆராய்கின்றனர்.
நீதிமன்ற விசாரணையில் என்ன நடந்தது?
ட்ரம்ப் விதித்த உலகளாவிய சுங்க வரிகள் மீது அமெரிக்க உச்சநீதிமன்றம் விசாரணை மேற்கொண்டு வருகிறது. இது எதிர்கால அதிபர்களின் பொருளாதார அதிகார வரம்பை தீர்மானிக்கும் முக்கிய வழக்காகக் கருதப்படுகிறது.
ட்ரம்ப் சார்பில் ஆஜரான வழக்கறிஞர் தனது வாதங்களை முன்வைத்தபோது, நீதிபதிகள் ஏமி கோனி பாரெட் (Amy Coney Barrett), நீல் கோர்சச் (Neil Gorsuch) மற்றும் பிரெட் கவனாக் (Brett Kavanaugh) ஆகியோர் கடுமையான கேள்விகளை எழுப்பினர். நீதிபதி பாரெட், அனைத்து நாடுகளுக்கும் ஒரே மாதிரியான “பரஸ்பர சுங்கம்” (reciprocal tariff) விதிப்பது குறித்து சந்தேகம் வெளியிட்டார்.
ட்ரம்ப் நிர்வாகம் ஒரு மத்திய சட்டத்தின் (Federal Law) கீழ் இத்தகைய உயர்ந்த சுங்கங்களை விதிப்பதற்கான அடிப்படை என்ன என்று கேள்வி எழுப்பினார்.
அரசாங்கத்தின் நிலைப்பாடு:
நிதி செயலாளர் ஸ்காட் பெசென்ட் (Scott Bessent), இதை ஒரு “பொருளாதார அவசரநிலை” என்று அரசாங்கம் கருதுவதாக வலியுறுத்தினார்.
வெள்ளை மாளிகை செய்தித் தொடர்பாளர் கரோலின் லெவிட்ட் (Karoline Leavitt) பேசிய போது : “இந்த வழக்கில் சட்டத்தின் பொருள் மற்றும் அதிபரின் சட்ட வாதங்கள் மீது எங்களுக்கு 100% நம்பிக்கை உள்ளது. உச்சநீதிமன்றம் சரியான முடிவை எடுக்கும் என்று நாங்கள் நம்புகிறோம்,” என்றார். மேலும், இந்த வழக்கு ட்ரம்ப் ஆட்சியைத் தாண்டி, எதிர்கால அதிபர்கள் அவசர சுங்க அதிகாரங்களை (emergency tariff powers) பயன்படுத்தும் வரம்பை நிர்ணயிக்கும் வகையில் முக்கியத்துவம் பெறுகிறது என அவர் கூறினார்.
Read More : அணுஆயுத சோதனை நடத்துமாறு புடின் எந்த உத்தரவையும் பிறப்பிக்கவில்லை!. கிரெம்ளின் மாளிகை பதில்!
