ஜோதிடம் மற்றும் வாஸ்து சாஸ்திரத்தில் மனிதர்களின் வாழ்க்கை முறைகள், குடும்ப உறவுகள் மற்றும் பொருளாதார நிலை குறித்து பல நம்பிக்கைகள் கூறப்பட்டுள்ளன. குறிப்பாக திருமணமான மகளுக்கு சில பொருட்களை பரிசாக வழங்கக் கூடாது என்று வாஸ்து நிபுணர்கள் எச்சரிக்கின்றனர். இவ்வாறு கொடுக்கப்படும் சில பொருட்கள் குடும்ப உறவுகளில் விரிசல், மனஅழுத்தம் மற்றும் நிதி சிக்கல்களை ஏற்படுத்தும் என நம்பப்படுகிறது.
பெண் குழந்தை திருமணமாகி புதிய வீட்டிற்குச் செல்லும் போது, பெற்றோர்கள் அன்பின் அடையாளமாக பல பரிசுகளை வழங்குவது வழக்கம். ஆனால் பரிசுகளை தேர்வு செய்வதில் கவனம் அவசியம் என வாஸ்து சாஸ்திரம் கூறுகிறது.
கருப்பு நிற ஆடை: அதில் முதலில் குறிப்பிடப்படுவது கருப்பு நிற ஆடைகள். கருப்பு நிறம் எதிர்மறை சக்திகளை ஈர்க்கும் நிறமாக கருதப்படுவதால், திருமணமான மகளுக்கு கருப்பு நிற ஆடைகளை பரிசாக வழங்குவது நல்லதல்ல என கூறப்படுகிறது. இது கணவன்-மனைவி உறவில் மனக்கசப்பு மற்றும் இடைவெளியை உருவாக்கும் என்றும் நம்பப்படுகிறது. அதற்கு பதிலாக சிவப்பு, மஞ்சள், பச்சை போன்ற நேர்மறை நிற ஆடைகளை பரிசாக வழங்குவது நல்லது என கூறப்படுகிறது.
கண்ணாடி பொருட்கள்: அடுத்ததாக கண்ணாடி பொருட்கள். வாஸ்து சாஸ்திரத்தின் படி, கண்ணாடி பொருட்கள் பலவீனம் மற்றும் நிலையற்ற தன்மையின் அடையாளமாக பார்க்கப்படுகின்றன. அவை எளிதில் உடைந்து போகக்கூடியவை என்பதால், குடும்ப உறவுகளிலும் விரிசலை உருவாக்கும் என நம்பப்படுகிறது. குறிப்பாக திருமணமான மகளுக்கு கண்ணாடி பொருட்களை பரிசாக வழங்குவது நிதி பிரச்சினைகள் மற்றும் மனஅழுத்தத்தை அதிகரிக்கும் என கூறப்படுகிறது.
ஊறுகாய்: மூன்றாவது முக்கியமானது ஊறுகாய். காரமும் புளிப்பும் கலந்த உணவாக இருப்பதால், ஊறுகாய் உறவுகளில் புளிப்பை உருவாக்கும் அடையாளமாக கருதப்படுகிறது. திருமணமான மகளுக்கு ஊறுகாய் கொடுப்பது மாமியார்-மருமகள் இடையே கருத்து வேறுபாடுகளை உருவாக்கும் என்ற நம்பிக்கையும் நிலவுகிறது. அதற்கு பதிலாக இனிப்புகளை வழங்குவது குடும்ப உறவுகளில் இனிமையை அதிகரிக்கும் என வாஸ்து நிபுணர்கள் தெரிவிக்கின்றனர்.
