ஒரு நபர் ஆன்லைன் மூலம் “வாவ் மோமோ” உணவகத்தில் இருந்து வெஜ் டார்ஜிலிங் மோமோ காம்போ (Veg Darjeeling Momo Combo) என்ற உணவு ஆர்டர் செய்தார். அவர் ஒரு சைவ உணவு பழக்கம் பின்பற்றும் நபர். தான் ஆர்டர் செய்த சைவ உணவுக்கு பதிலாக சிக்கன் மோமோ (Chicken Momo) வழங்கப்பட்டதால் அவரது மத உணர்வுகள் கடுமையாக பாதிக்கப்பட்டதாக நுகர்வோர் நீதிமன்றத்தில் புகார் அளித்தார்.
உணவகத்தின் அலட்சியம் காரணமாக, சிக்கன் மோமோ தன்னைச் சாப்பிட வைக்கப்பட்டது. இது தனது மத நம்பிக்கையை கேள்விக்குள்ளாக்கியதால் மன உளைச்சல் ஏற்பட்டது. இதற்காக உணவகத்திடம் ரூ.6 லட்சம் இழப்பீடு கோரினார். இதுகுறித்து உணவகம் தரப்பில் கூறுகையில், “அந்த நபர் உண்மையில் அசைவ உணவையே ஆர்டர் செய்துள்ளார். இது மசோதாவில் (Bill/Receipt) தெளிவாக உள்ளது. சிக்கன் மோமோ வழங்கப்பட்டபின் அவர் அதைத் திருப்பிக் கொடுத்தார், அதற்குப் பதிலாக சைவ மோமோவும், ரூ.1,200 மதிப்புள்ள வவுச்சரும் வழங்கப்பட்டன.
இந்த பரிசுகளையும் உணவையும் அவர் ஏற்றுக் கொண்டிருந்தார். இவற்றையெல்லாம் பெற்ற பிறகு கூட, அவர் மீண்டும் இழப்பீடு கோரியதால், இது உணவகத்தை மன அழுத்தம் கொடுக்கும் வகையில் நடப்பதாக உணவகம் குற்றம்சாட்டியது. இந்த வழக்கை சமீபத்தில் விசாரித்த மும்பை நுகர்வோர் குறைதீர் கமிஷன் பிறப்பித்த உத்தரவில்; புகார்தாரர் உண்மையில் அசைவ மோமோ ஆர்டர் செய்திருக்கிறார்கள். இதற்கான ஆதாரம் உணவகம் தரப்பி வழங்கப்பட்டுள்ளது. “ஸ்டீம்டு டார்ஜிலிங் மோமோ காம்போ” என்ற பெயரில் சலுகை இருந்தாலும், அதன் கீழே “Veg / Non-Veg” என்று வெளிப்படையாகக் குறிப்பிடப்பட்டுள்ளது.
உணவகமும், நுகர்வோரும் பேச்சுவழக்காக பிரச்சனையைத் தீர்த்து வைத்திருந்தனர் அதாவது மாற்று உணவும், பரிசும் வழங்கப்பட்டது. புகார்தாரர் உண்மையில் தனது மத உணர்வுகள் பாதிக்கப்பட்டதை நம்பகமான ஆதாரங்களால் நிரூபிக்கவில்லை. சைவ உணவுக்கு கடுமையான மத உணர்வு இருந்தவர் என்றால், அசைவ உணவையும் வழங்கும் உணவகத்திலிருந்து ஏன் ஆர்டர் செய்தார்? எனக் கேள்வி எழுப்பியது. தொடர்ந்து இந்த வழக்கை நீதிமன்றம் தள்ளுபடி செய்தது.
Read more: Gold Rate| தங்கம் விலை 2ம் நாளாக குறைவு.. நகை வாங்க இது நல்ல நேரம்..!! – இன்றைய நிலவரம் இதோ
