இந்தியாவில் FASTag பயன்படுத்துவோர் அனைவரும் புதிய Know Your Vehicle (KYV) விதிமுறையை நிறைவேற்ற வேண்டும்; இல்லையெனில் அவர்களின் டாக்கள் (FASTags) டோல் பிளாசாக்களில் தடைசெய்யப்படும் அபாயம் உள்ளது. அரசு இந்த விதியை கட்டாயமாக்கியுள்ளது, காரணம் FASTag மோசடிகளை தடுக்கவும், புதிய தானியங்கி டோலிங் அமைப்பை (Automated Tolling System) செயல்படுத்தவும்.
KYV எப்போது தொடங்கியது?
KYV விதிமுறை 2024 அக்டோபர் 31 முதல் அமலுக்கு வந்தது. ஆரம்பத்தில் வங்கிகள் இதை கடுமையாக செயல்படுத்தவில்லை. ஆனால் இப்போது KYV சரிபார்ப்பு செய்யாத FASTag-களை வங்கிகள் தடை செய்ய வேண்டும் என்று அரசு உத்தரவிட்டுள்ளது.
இது புதிய பயனாளர்களுக்கும் பழைய பயனாளர்களுக்கும் பொருந்தும்.
அதிகாரிகள் இதுகுறித்து பேசிய போது “ தற்போது இந்தியாவில் 8 கோடி பேருக்கு மேல் FASTag உபயோகிக்கிறார்கள்; அதனுடன் மோசடிகளும் அதிகரித்துள்ளன. சிலர் சிறிய கார்கள் பெயரில் பெறப்பட்ட டாக்களை வணிக லாரிகளில் பயன்படுத்தி குறைந்த டோல் கட்டணத்தில் பயணம் செய்துள்ளனர். சிலர் பல வாகனங்களுக்கு ஒரே டாக் மாற்றி மாற்றி பயன்படுத்தியுள்ளனர். இதுபோன்ற முறைகள் முற்றிலும் தடை செய்யப்பட உள்ளது. “ தெரிவித்துள்ளனர்.
KYV என்றால் என்ன?
KYV (Know Your Vehicle) என்பது உங்கள் வாகனத்தை சரிபார்க்கும் கட்டாய நடைமுறை. இதில் பயனாளர்கள் தங்கள் வாகனத்தின் புகைப்படங்களையும் பதிவுச்சான்றிதழையும் (RC) பதிவேற்ற வேண்டும்.
இந்த நடவடிக்கையை தேசிய கட்டண நிறுவனம் (NPCI) மற்றும் தேசிய நெடுஞ்சாலை ஆணையம் (NHAI) இணைந்து செயல்படுத்துகின்றன.
ஒவ்வொரு வாகனத்துக்கும் FASTag நிலையான முறையில் முன் கண்ணாடியில் ஒட்டப்பட்டிருக்க வேண்டும்.
பதிவேற்ற வேண்டியவை
முன்புறம் இருந்து எடுக்கப்பட்ட வாகன புகைப்படம் (எண் பலகையும் FASTag-மும் தெளிவாக காண வேண்டும்)
வாகனத்தின் பக்கவாட்டு புகைப்படம் (முழு வாகன தோற்றம் தெரியும் வகையில்)
முன் கண்ணாடியில் ஒட்டப்பட்ட FASTag ஸ்டிக்கர் புகைப்படம்
RC (Registration Certificate)-இன் முன் மற்றும் பின்புறப் பிரதிகள்
KYV செய்யாவிட்டால் என்ன நடக்கும்?
KYV சரிபார்ப்பு இல்லாத FASTag தானாகவே செயலிழக்கும் (deactivated).
அத்துடன், பயணிகள் டோல் பிளாசா கடக்க முயன்றால் அதிக கட்டணம் அல்லது அபராதம் விதிக்கப்படும்.
KYV ஒவ்வொரு மூன்று ஆண்டுகளுக்கும் ஒருமுறை புதுப்பிக்கப்பட வேண்டும்.
சில பயனாளர்கள் KYV பதிவேற்றத்தில் சிக்கல், செயலி தாமதம் போன்ற பிரச்சனைகளை கூறியுள்ளனர். பலர், பேலன்ஸ் இருந்தும் FASTag செயலிழந்தது என தெரிவித்துள்ளனர்.
அரசின் புதிய திட்டம்: Multi-Lane Free Flow (MLFF)
இந்த புதிய முறைமையில் வாகனங்கள் டோல் பிளாசாவில் நிறுத்தாமல் செல்வதற்கான தானியங்கி டோலிங் முறை உருவாக்கப்படுகிறது. இதற்கு ஒவ்வொரு FASTag-மும் சரியான வாகனத்துடன் இணைக்கப்பட்டிருக்க வேண்டும்.
அத்துடன், ஐந்து ஆண்டுகளுக்கு மேல் பழைய டாக்கள் அனைத்தும் புதிதாக மாற்றப்படும்.
இப்போது நீங்கள் செய்ய வேண்டியது
உங்கள் KYV-ஐ உடனே முடிக்கவும் — FASTag முடக்கம் தவிர்க்க.
வாகனத்தின் RC மற்றும் தெளிவான புகைப்படங்களை தயார் நிலையில் வைத்திருக்கவும்.
உங்கள் FASTag செயலியில் (app) KYV நிலை மற்றும் அறிவிப்புகளை சரிபார்க்கவும்.
FASTag ஸ்டிக்கரை முன் கண்ணாடியில் சரியாக ஒட்டி வைக்கவும் — இல்லையெனில் சுங்கச்சாவடியில் பிரச்சனை ஏற்படும்.
Read More : நீங்களும் கோடீஸ்வரராகலாம்..! இந்த பொதுவான தவறுகளை தவிர்த்தால் போதும்..! ரூ.1 கோடி பணம் உங்கள் கையில்..!
