களைகட்டியுள்ள கத்தார் உலகக்கோப்பை கால்பந்து திருவிழாவில் லீக் சுற்றுப் போட்டிகள் நடைபெற்று வருகிறது. இந்நிலையில், இன்று 4 போட்டிகள் நடைபெற உள்ளன.
தங்கள் நாட்டு அணியை உற்சாகப்படுத்த கத்தாரில் குவிந்துள்ள கால்பந்து ரசிகர்களின் மத்தியில் அனல் பறக்கும் கால்பந்து போட்டிகள் நடைபெற்று வருகிறது. இந்நிலையில், இன்று மதியம் 3.30 மணிக்கு தொடங்கும் முதல் போட்டியில் C பிரிவில் இடம் பெற்றுள்ள பலம் வாய்ந்த அர்ஜென்டினா அணியை எதிர்த்து சவுதி அரேபியா அணி விளையாடுகிறது.
இதைத் தொடர்ந்து மாலை 6.30 மணிக்கு தொடங்கும் இரண்டாவது போட்டியில் D பிரிவில் இடம் பெற்றுள்ள டென்மார்க், துனிசியாவை எதிர்த்து களம் காண்கிறது. இதையடுத்து இரவு 9.30 மணிக்கு தொடங்கும் மூன்றாவது போட்டியில் C பிரிவில் இடம் பெற்றுள்ள மெக்சிகோ போலந்து அணிகள் பலப்பரீட்சை நடத்துகிறது. நள்ளிரவு 12.30 மணிக்கு தொடங்கும் இன்றைய கடைசி போட்டியில் பலம் வாய்ந்த பிரான்ஸ் அணியை அனுபவ ஆஸ்திரேலியா அணி எதிர்கொள்கிறது. இன்று நடைபெற உள்ள 4 போட்டிகளிலும் விறுவிறுப்புக்கும் பரபரப்புக்கும் பஞ்சம் இருக்காது.
