உலகம் முழுவதும் 200 கோடிக்கும் அதிகமானோர் பயன்படுத்தும் வாட்ஸ்அப் மெசஞ்சர், இனி சில பழைய ஸ்மார்ட்போன்களில் இயங்காது என்று மெட்டா நிறுவனம் அறிவித்துள்ளது. முன்னதாக, இந்த மாற்றம் மே 2025-ல் நடைமுறைக்கு வரும் என்று நிறுவனம் தெரிவித்திருந்தது. ஆனால் ஏற்பட்ட சிறிய தாமதம், பயனர்களுக்கு தங்கள் போன்களை மாற்றிக்கொள்ள கூடுதல் அவகாசத்தை அளித்தது. அதன்படி ஜூன் 1 முதல் சில ஸ்மார்ட் போன்களில் வாட்ஸ் அப் செயல்படவில்லை. இது மெட்டாவின் வழக்கமான புதுப்பிப்பின் ஒரு பகுதியாகும். அதாவது, வாட்ஸ்அப் செயலியைப் பயன்படுத்த தேவையான குறைந்தபட்ச நிபந்தனைகளை உயர்த்துகிறது.
வாட்ஸ்அப் செயலி இயங்காத ஸ்மார்ட்போன்களின் பட்டியல்: ஐபோன் 5s, ஐபோன் 6, ஐபோன் 6 பிளஸ், ஐபோன் 6s, ஐபோன் 6s பிளஸ், ஐபோன் எஸ்இ (முதல் தலைமுறை), சாம்சங் கேலக்ஸி எஸ்4, சாம்சங் கேலக்ஸி நோட் 3, சோனி எக்ஸ்பீரியா இசட்1, எல்ஜி ஜி2, ஹவாய் அசென்ட் பி6, மோட்டோ ஜி (முதல் தலைமுறை), மோட்டோரோலா ரேஸர் எச்டி, மோட்டோ இ 2014.
உங்கள் தொலைபேசி இந்த பட்டியலில் இருந்தால் என்ன செய்ய வேண்டும்?
மொபைல் மேம்பாடு முக்கியம்: புதிய iPhone SE (2வது அல்லது 3வது ஜெனரேஷன்) அல்லது நடுத்தர விலையில் கிடைக்கும் Android மாடல்களைப் பெறலாம். அவை iOS 15.1 மற்றும் Android 5.1-க்கு மேல் இயங்கும்.
OS ஐப் புதுப்பிக்கவும்: System Update சென்று, புதிய OS பதிப்பிற்குப் புதுப்பிக்கவும்.
சார்ட் சேமிப்பு: உங்கள் WhatsApp அரட்டைகளை iCloud (iPhone) அல்லது Google Drive (Android) இல் சேமிக்கவும். அமைப்புகள் > அரட்டைகள் > அரட்டை காப்புப்பிரதி என்பதற்குச் செல்லவும்.
மாற்று செயலி: தற்போது WhatsApp செயலிழக்கும் என்று தெரிந்தால், Telegram அல்லது Signal போன்ற மெசேஜிங் செயலிகள் பழைய சாதனங்களிலும் இயங்க வாய்ப்பு உள்ளது.
Apple வெளியிட்டுள்ள 2024 தரவுகளின்படி, உலகளவில் கிட்டத்தட்ட 5% iPhone-களே iOS 15 அல்லது அதற்கு மேல் இயங்குகின்றன. எனவே, சில நாடுகளில் இதன் தாக்கம் குறைவாக இருக்கலாம். ஆனால் இந்தியா போன்ற சாதனங்களை நீண்டகாலம் பயன்படுத்தும் நாடுகளில், இந்த மாற்றம் பெரிதும் பாதிப்பை ஏற்படுத்தும்.
Read more: தங்கம் விலை இனிமேல் இப்படி தான் இருக்கும்.. அடித்து சொன்ன ஆனந்த் சீனிவாசன்..!!
