இந்தியா,பாகிஸ்தான் ஆசிய கோப்பை கிரிக்கெட் போட்டிக்குப் பின்னர், இந்து, முஸ்லீம் இடையே வகுப்புவாதம் வன்முறையாக வெடிதது. இங்கிலாந்தின் லீசெஸ்டர்ஷையரில் ஞாயிற்றுக்கிழமை இரு பிரிவினர் இடையே வன்முறை வெடித்தது. கடந்த மாதம் நடந்த ஆசிய கோப்பை போட்டியில் இந்திய அணி பாகிஸ்தானை வென்றது.
இந்தியா, பாகிஸ்தான் ஆசிய கோப்பை கிரிக்கெட் போட்டியை அடுத்து ரசிகர்களிடையே மோதல் உண்டானது. இதனிடையே, லீசெஸ்டர்ஷையரில் இருக்கும் ஒரு இந்து கோவிலுக்கு வெளியே காவி கொடி கிழிக்கப்பட்டதாக கூறப்படுகிறது. கருப்பு உடை அணிந்த ஒருவர், இந்து கோவில் கட்டிடத்தின் மீது ஏறி காவி கொடியை கீழே இறக்கியுள்ளார்.
இதை பார்த்து கீழே நின்ற சிலர் ஆரவாரமிட்டுள்ளனர். இந்த சம்பவத்தின் வீடியோ இணையத்தில் வெளியானதை தொடந்து, லீசெஸ்டர்ஷைர் காவல்துறையினர் விசாரணையைத் தொடங்கியுள்ளனர். ஆசிய கிரிக்கெட் போட்டிக்குப் பின்னர், அந்த பகுதியில் இந்து மற்றும் முஸ்லீம்களுக்கிடையே இடையே வகுப்புவாத பதற்றம் வன்முறையாக வெடித்துள்ளது. இதுவரை, 15 பேரை காவல்துறையினர் கைது செய்துள்ளனர்.
