சர்வதேச யோகா தினத்தையொட்டி விசாகப்பட்டினத்தில் நடத்தப்படும் யோகா தின கொண்டாட்டங்களில் பிரதமர் மோடி பங்கேற்கிறார். இந்த பிரமாண்ட நிகழ்வில் 3 லட்சம் பேர் பங்கேற்கவுள்ளனர்.
ஜூன் 21 அன்று இந்தியா மற்றும் உலகம் முழுவதும் மிகுந்த உற்சாகத்துடன் 11வது சர்வதேச யோகா தினம் கொண்டாடப்படுகிறது. இந்த ஆண்டுக்கான கருப்பொருள், “ஒரு பூமிக்கான யோகா, ஒரு ஆரோக்கியம்”, தனிப்பட்ட நல்வாழ்விற்கும் கிரகத்தின் ஆரோக்கியத்திற்கும் இடையிலான உள்ளார்ந்த தொடர்பை வலியுறுத்துகிறது, இது ” அனைவரும் நோயிலிருந்து விடுபடட்டும் என்ற இந்தியக் கொள்கையை பிரதிபலிக்கிறது.
இந்தநிலையில், சர்வதேச யோகா தினத்தையொட்டி, விசாகப்பட்டினத்தில் 3 லட்சம் பேர் பங்கேற்கும் யோகா தின கொண்டாட்டங்களுக்கு பிரதமர் மோடி தலைமை தாங்குகிறார். விசாகப்பட்டினத்தில் நடைபெறும் யோகா தின கொண்டாட்டங்களில் 11,000க்கும் மேற்பட்ட கடற்படை வீரர்கள், ENC-யின் குடும்ப உறுப்பினர்கள் கலந்து கொள்கின்றனர். காலை 6:30 மணி முதல் காலை 8:00 மணி வரை நடைபெறும் இந்த நிகழ்வு, கின்னஸ் உலக சாதனை உட்பட அங்கீகாரம் மற்றும் சாதனைகளைப் படைக்கும் வகையில் ஏற்பாடு செய்யப்படும் என்று முதலமைச்சர் என் சந்திரபாபு நாயுடு தெரிவித்தார்.
