கலை மற்றும் அறிவியல் கல்லூரியில் முதலாம் ஆண்டுக்கான மாணவர் சேர்க்கைக்கு விண்ணப்பங்களை பதிவேற்றம் செய்வதற்கு இன்றுடன் நிறைவடைகிறது.
இது குறித்து கல்லூரிக் கல்வி இயக்குநர் ஈஸ்வரமூர்த்தி வெளியிட்டுள்ள விவரத்தில்; தமிழகத்தில் உள்ள மொத்தம் 163 அரசு கலை மற்றும் அறிவியல் கல்லூரிகளில் உள்ள இளநிலை பட்டப்படிப்பு முதலாமாண்டு மாணவர்கள் சேர்க்கைக்கான விண்ணப்பங்களை http://www.tngasa.in/ அல்லது http://www.tngasa.org/ என்ற இணையதள முகவரிகளில் மாணவர்கள் பதிவு செய்து வருகின்றனர். இணையதளம் மூலமாக விண்ணப்பிக்க முடியாத மாணவர்கள் கல்லூரி உதவி மையங்கள் மூலம் விண்ணப்பிக்க வசதி செய்யப்பட்டுள்ளது. விண்ணப்பக் கட்டணமாக மாணவர்கள் 50 ரூபாய் செலுத்த வேண்டும். எஸ்சி, எஸ்டி பிரிவினர் விண்ணப்பக் கட்டணம் செலுத்தத் தேவையில்லை. பதிவு கட்டணம் மட்டும் 2 ரூபாய் செலுத்தினால் போதுமானது.
மேலும், நேற்று மாலை வரை 3,55,968 மாணவர்கள் விண்ணப்பம் செய்துள்ளனர். அவர்களில் 2,93,327 மாணவர்கள் விண்ணப்பங்களை பதிவேற்றம் செய்துள்ளனர். இதில், 2,60,643 மாணவர்கள் விண்ணப்பக் கட்டணம் செலுத்தியுள்ளனர். விண்ணப்பக் கட்டணத்தை ஆன்லைன் மூலமாக செலுத்தலாம். ஆன்லைன் மூலம் செலுத்த முடியாதவர்கள் சேவை மையங்களில் டிடியாக அளிக்கலாம். விண்ணப்பங்களை பதிவு செய்வதற்கு இன்றே கடைசி நாள் என்பதால் பதிவு செய்யாத மாணவர்கள் உடனடியாக பதிவு செய்ய வேண்டும். மாணவர்கள் சேர்க்கை குறித்த வழிகாட்டுதல் மற்றும் விவரங்கள் அனைத்தும் இணையதளத்தில் வெளியிடப்பட்டுள்ளது. மேலும் விவரங்களுக்கு 044 28260098, 28271911 என்ற எண்ணிலும் தொடர்புக் கொள்ளலாம்” என அவர் தெரிவித்தார்.
