மத்தியபிரதேச மாநிலம் டிவாஸ் மாவட்டம் பொர்படவ் கிராமத்தில் வசித்து வருபவர் மங்கிலால். இவரது மனைவிக்கும் அந்த கிராமத்தில் வசித்து வந்த வேறொருவருக்கும் தொடர்பு இருந்ததாக கூறப்படுகிறது. இதனால் ஆத்திரமடைந்த மங்கிலால் அவரது மனைவியை துன்புறுத்தி வந்துள்ளார்.
இந்நிலையில், மங்கிலால் தனது மனைவியை அவரது உறவினர்களுடன் சேர்ந்து நேற்று முன் தினம் கடுமையாக தாக்கியுள்ளார். மேலும் அவரது மனைவியை கடுமையாக தாக்கி, உடைகளை அவிழ்த்து மானபங்கம் படுத்தியுள்ளனர். பிறகு, அந்த பெண்ணை அவரது கணவரான மங்கிலாலை தோளில் சுமந்தபடி ஊர் முழுவதும் சுற்றவைத்துள்ளனர்.
இது தொடர்பான வீடியோ சமூகவலைதளத்தில் பரவியது. இந்த வீடியோவின் அடிப்படையில் வழக்குப்பதிவு செய்த காவல்துறையினர், அந்த பெண்ணின் கணவன் மங்கிலால் உள்பட 11 பேரை கைது செய்துள்ளனர். மேலும், இந்த சம்பவம் தொடர்பாக தொடர்ந்து விசாரணை நடத்தி வருகின்றனர்.
