ஓய்வூதியத்திற்குப் பிறகு நிதிப் பாதுகாப்பை வழங்குவதால், வேலை செய்யும் ஒவ்வொரு நபருக்கும் பிஎஃப் பணம் என்பது மிகவும் முக்கியமானது. மேலும் ஊழியர்கள் பணியில் இருக்கும் போது கூட பிஎஃப் பணத்தின் நன்மைகளை பெற முடியும்.. பிஎஃப் கடன் உள்ளிட்ட பல்வேறு சலுகைகள் இபிஎஃப்ஓ வழங்குகிறது.. இபிஎஃப்ஓ அமைப்பில் சுமார் 7 கோடி சந்தாதாரர்கள் உள்ளனர்..
ஒவ்வொரு மாதம் சம்பளத்தில் பிஎஃப் பணம் பிடித்தம் செய்யப்படும் போது, ஊழியர் சார்பில் குறிப்பிட்ட தொகையும், அவர் புணிபுரியும் நிறுவனத்தின் சார்பில் குறிப்பிட்ட தொகையும் சேர்க்கப்படும்.. இந்த தொகையே பிஎஃப் பங்களிப்பு என்று அழைக்கப்படுகிறது.. அந்த வகையில் பிஎஃப் சந்தாதாரர்களின் மாத சம்பளத்தில் இருந்து பிஎஃப் தொகை கழிக்கப்படும் போது, உங்கள் கணக்கில் EPF பங்களிப்பை டெபாசிட் செய்ய வேண்டும். எனினும் உங்கள் நிறுவனத்தின் பங்களிப்பு பிஎஃப் தொகையில் செலுத்தப்படவில்லை என்று கூறப்படுகிறது.
அதனால்தான், பணியாளர் வருங்கால வைப்பு நிதி அமைப்பு (EPFO) கணக்கு வைத்திருப்பவர்கள் தங்கள் பங்களிப்பையும் ஆன்லைனில் தங்கள் நிறுவனத்தின் பங்களிப்பையும் சரிபார்க்க அனுமதிக்கிறது.
முதலாளி EPF பங்களிப்பைச் சமர்ப்பித்துள்ளாரா என்பதை எப்படி சரிபார்ப்பது..?
- நீங்கள் EPF சந்தாதாரராக இருந்தால், EPFO போர்ட்டல் அல்லது UMANG செயலி மூலம் EPF பாஸ்புக்கை சரிபார்த்து பதிவிறக்கம் செய்யலாம்.
- EPF பாஸ்புக்கிற்கான அணுகலைப் பெற, பயனர்கள் முதலில் உறுப்பினர் இ-சேவா போர்ட்டலில் பதிவு செய்ய வேண்டும். பதிவு செய்வதற்கு UAN, PAN மற்றும் ஆதார் எண் போன்ற பல விவரங்கள் தேவை.
- EPF பாஸ்புக்கை அதிகாரப்பூர்வ இணையதளத்தில் அணுகலாம் – https://passbook.epfindia.gov.in/MemberPassBook/Login.
- UMANG செயலி மூலம் பாஸ்புக்கை சரிபார்க்க, மொபைல் எண் மூலம் பதிவு செய்யலாம்.
- பதிவு செயல்முறை முடிந்ததும், UAN மற்றும் ஒரு முறை கடவுச்சொல்லை (OTP) பயன்படுத்தி உள்நுழைந்து பாஸ்புக்கை அணுகலாம்.
எஸ்எம்எஸ், மிஸ்டு கால் மூலம் உங்கள் ஈபிஎஃப் பேலன்ஸை எவ்வாறு சரிபார்க்கலாம்..?
- ஒரு ஊழியர் தனது EPF இருப்பை SMS அல்லது மிஸ்டு கால் மூலமாகவும் சரிபார்க்கலாம். பதிவு செய்யப்பட்ட மொபைல் எண்ணிலிருந்து எஸ்எம்எஸ் அனுப்பலாம்.
- 7738299899 க்கு “EPFOHO UAN” என டைப் செய்யவும் அல்லது 011-22901406 என்ற எண்ணுக்கு மிஸ்டு கால் தவறவிட்ட அழைப்பை வழங்கவும்.
