உத்தர பிரதேசத்தில் பாக்பத் மாவட்டத்தை சேர்ந்தவர் பிரிஜ்பால் (60). இவரது மனைவி சசிபிரபா. இவர்களுக்கு அமர் என்ற லக்ஷ் என்ற பெயரிலான மகனும், ஜோதி (25) மற்றும் அனுராதா (17) என்ற இரண்டு மகள்கள் உள்ளனர்.
இந்நிலையில், பிரிஜ்பால் தனது மகன் அமரிடம் சொத்தில் பங்கு இல்லை என சொல்லியுள்ளார். மேலும் மாதங்களுக்கு முன்பு சொத்தில் இருந்து அமரின் பெயரை நீக்கியதுடன், அவருக்கான உரிமையையும் நீக்கியுள்ளார். இதனால், அமர் ஆத்திரத்தில், தனது தந்தை மற்றும் இரண்டு சகோதரிகளை கொலை செய்து விட்டு அமர் தப்பியோடி விட்டார்.
இதுபற்றி அமரின் தாயார் சசி பிரபா காவல் நிலையத்தில் தகவல் அளித்தார். உடனடியாக சம்பவ இடத்திற்கு சென்ற காவல்துறையினர் மூன்று பேரின் உடல்களை மீட்டு பிரேத பரிசோதனைக்கு அங்குள்ள அரசு மருத்துவமனைக்கு அனுப்பி வைத்தனர். மேலும் இதுகுறித்து காவல்துறையினர் வழக்கு பதிவு செய்து விசாரணை நடத்தி வருகின்றனர்.
