ஒரு அரசியல் கட்சியில் ஒருவர் இணைந்து பொதுநலப் பணிகளில் ஈடுபட வேண்டும் என்று நினைத்தால் அவருக்கு முதலில் தேவைப்படுவது பணம் மட்டும்தான்.என்னதான் சேவை செய்ய வேண்டும் என்ற மனப்பான்மை இருந்தாலும் கூட பணம் இருந்தால் மட்டுமே அரசியல் கட்சிகளைப் பொறுத்தவரையில் அரசியலில் நிலைத்து நிற்க முடியும். இதுதான் காலகாலமாக நடைபெற்று வருகிறது.
சாதாரண தொண்டர்களாக இருக்கின்ற யாரும் கட்சியின் முக்கிய பொறுப்புகளில் இருப்பதில்லை. அதேபோல கட்சிகளின் முக்கிய பொறுப்புகளில் இருக்கும் நபர்கள் சாதாரண பாமர மக்களாக இருப்பதில்லை.
அந்த வகையில் கரூரில் ரேஷன் கடை பணியாளரிடம் விடுதலை சிறுத்தைகள் கட்சியின் பிரமுகர் ஒருவர் பணம் கேட்டு தொந்தரவு செய்திருக்கிறார். கரூர் மாவட்டத்தை அடுத்திருக்கின்ற கொழுந்தனூர் அருகே உள்ள அம்மன் நகர் என்ற பகுதியில் இருக்கின்ற ரேஷன் கடை ஒன்றில் விடுதலை சிறுத்தைகள் கட்சியின் முன்னாள் மாவட்ட செயலாளர் பகலவன் என்ற பாஸ்கரன் போஸ்டர் ஓட்டுவதற்கு பணம் வேண்டும் என்று கேட்டதாக தெரிவிக்கப்படுகிறது.
ஆனால் இதற்கு அந்த நியாய விலை கடை பணியாளரை தன்னிடம் பணம் இல்லை என்று தெரிவித்திருக்கிறார். இதற்கு அந்த விடுதலை சிறுத்தைகள் கட்சியின் நிர்வாகி அப்படி என்றால் கையில் இருக்கின்ற பணத்தையாவது கொடு என்று நியாய விலை கடையில் அமர்ந்து அடாவடி செய்யும் ஒரு வீடியோ சமூக வலைதளங்களில் வைரலாகி வருகின்றது. அந்த காணொளியில் விடுதலை சிறுத்தைகள் கட்சியின் பிரமுகர் சுவரொட்டி ஓட்ட வேண்டும், எதுவும் செய்ய முடியவில்லை. நான் மிகவும் சிரமத்தில் உள்ளேன், சரி கையில் இருக்கும் பணத்தை கொடு என்று அந்த காணொளியில் ரேஷன் கடை பணியாளரிடம் கேட்கிறார்.
அதற்கு அந்த நியாய விலை கடை பணியாளரோ, என்னிடம் எதுவுமே இல்லை. என்னால் எதுவுமே செய்ய முடியாது. கோபித்துக் கொள்ள வேண்டாம். முன்பிருந்ததைப் போல தற்போது இல்லை சுந்தர் பாயை வைத்துக்கொண்டு எதுவும் செய்ய இயலாது என்று தெரிவிக்கிறார். இந்த காணொளி தற்போது இணையதளத்தில் வைரல் ஆகி வருகிறது.
