கொரோனா தொற்றுக்குப் பிறகு பல்வேறு நிறுவனங்கள் செலவினங்களை குறைப்பதற்காக ஊழியர்களை பணிநீக்கம் செய்து வருகிறது. அந்த வகையில், டெக் உலகின் ஜாம்பவான்களான கூகுள், பேஸ்புக், ட்விட்டர், அமேசான், மைக்ரோசாஃப்ட் உள்ளிட்ட நிறுவனங்களும் பணிநீக்க நடவடிக்கையை எடுத்தது. அந்த வரிசையில், தற்போது பிரபல விமான போக்குவரத்து நிறுவனமான் போயிங் இறங்கியுள்ளது.
அமெரிக்காவின் பிரபல விமான போக்குவரத்து நிறுவனமான போயிங் இந்த ஆண்டு 2 ஆயிரம் ஊழியர்களை பணிநீக்கம் செய்ய முடிவு செய்துள்ளது. நிதி மற்றும் மனித வளங்கள் பிரிவில் பணியாற்றும் 2,000 ஊழியர்களை பணிநீக்கம் செய்ய உள்ளதாக போயிங் நிறுவனம் அறிவித்துள்ளது. அதே சமயம் பொறியியல் மற்றும் தயாரிப்புத் துறையில் கூடுதலாக ஊழியர்கள் பணியில் அமர்த்தப்படுவார்கள் எனவும் தெரிவித்துள்ளது.