சீனாவில் செல்போனில் கேம் விளையாட விடாமல் தடுத்த தந்தையை கத்தியை காட்டி 13 வயது மகன் மிரட்டிய காட்சி சமூக வலைதளங்களில் வைரலாகி அதிர்ச்சியை ஏற்படுத்தியுள்ளது.
சீனாவின் குவாங்சி பகுதியைச் சேர்ந்த 13 வயது சிறுவன், பள்ளி செல்லும் நேரம் தவிர மற்ற நேரங்களில் பல மணி நேரம் செல்போனில் விளையாடியுள்ளார். இதனால், பெற்றோர் பலமுறை கண்டித்தும் கேட்காததால், செல்போனை பறித்து அவனது தந்தை, மறைத்து வைத்துள்ளார். இதனால், அத்திரமடைந்த சிறுவன், செல்போனை தருமாறு தந்தையிடம் பிடிவாதம் பிடித்ததோடு, வீட்டில் இருந்த கத்தியை எடுத்து மிரட்டியுள்ளார். செல்போனை தராவிட்டால் வெட்டிவிடுவேன் என அந்த சிறுவன் கூறிய காட்சி சமூக வலைதளங்களில் வைரலாக பரவி வருகிறது.
சிறுவனின் செயலுக்கு அதிர்ச்சி தெரிவித்துள்ள பலரும், செல்போன் விளையாட்டால் இதுபோன்ற நிலைமைகள் தொடரக்கூடாது என கருத்து பதிவிட்டு வருகின்றனர். இதனிடையே, இதுதொடர்பாக விசாரித்து வரும் சீன காவல்துறையினர், சிறுவனுக்கு மன நல ஆலோசனை வழங்கவும் முடிவு செய்துள்ளனர்.
