ஆன்லைன் மூலம் உங்களுடைய ஆதார் அட்டையில் முகவரியை மாற்றம் செய்வது எப்படி என்பதை பார்க்கலாம்.
இந்தியாவில் உள்ள மக்களின் அடிப்படை விவரங்கள் அடங்கிய அடையாள அட்டையாக இருப்பது ஆதார் அட்டை. அரசு வழங்கும் இந்த அட்டையில் நம்முடைய பெயர், முகவரி, தொலைபேசி எண்ணுடன் கூடவே கைரேகை, புகைப்படம் போன்ற அனைத்து விவரங்களும் பதிவு செய்யப்பட்டிருக்கும். ஆதார் அட்டையில் உள்ள முகவரியில் நீங்கள் வசிக்கவில்லை, வேறு வசிப்பிடம் சென்றுவிட்டீர்கள், அதுதான் உங்கள் நிரந்தர முகவரி என்ற பட்சத்தில் அதனை மாற்றுவது அவசியம்.
ஏனேனில் ஆதார் அட்டை என்பது எரிவாயு இணைப்புகளை வாங்குவது, முதலீடு செய்வது, வாக்கு செலுத்துவது, ஓய்வூதிய பெறுவது, போன்ற பல்வேறு சேவைகளைப் பெற பயன்படுத்தப்படும் மிக முக்கியமான ஆவணங்களில் ஒன்றாகும். எனவே அனைத்து விவரங்களும் புதுப்பிக்கப்பட்டு அட்டையில் சரியாக இருப்பது முக்கியம்.
ஆதார் அட்டையை UIDAI இணையதளத்திற்குச் சென்று அல்லது பதிவு மையம் அல்லது ஆதார் சேவா கேந்திராவிற்குச் சென்று புதுப்பிக்கலாம். ஆனால் அப்படி செய்வது நேர விரயம் மற்றும் பண செலவு அதிகமாகலாம். வீட்டிலிருந்தபடியே ஆதார் அட்டையின் பயனாளரே, முகவரி மாற்றம் செய்ய இயலும். அதனை விரிவாக இங்கு பார்க்கலாம்.
* முதலில் நீங்கள் uidai.gov.in ஐப் பார்வையிடவும்.
* பின்னர் இணையதளத்தின் மேல் இடது மூலையில் உள்ள ‘My Aadhaar’ என்பதைக் கிளிக் செய்யவும்.
* இப்போது, புதுப்பிப்பு ஆதார் பிரிவின் கீழ், Update Demographics Data Online’ என்ற விருப்பத்தைத் தேர்ந்தெடுக்கவும்..
* அடுத்து ஆதாரைப் புதுப்பிக்க தொடரவும்’ இணைப்பைக் கிளிக் செய்யவும்.. அந்த பக்கத்தில் தேவையான தகவலை உள்ளிடவும்.
* பின்னர் உங்கள் ஆதார் எண்ணை உள்ளிட்டு விவரங்களை கேப்ட்சா குறியீடு மூலம் சரிபார்க்கவும்.
* இப்போது உங்கள் பதிவு செய்யப்பட்ட தொலைபேசி எண்ணுக்கு OTP அனுப்பப்படும், அதன் பிறகு ‘மக்கள்தொகை தரவு’ விருப்பத்தைத் தேர்ந்தெடுக்கவும்..
* புதிய பக்கத்தில், உங்கள் முகவரி விவரங்களைப் புதுப்பித்து, ‘Continue’ என்பதைக் கிளிக் செய்யவும்.. சரிபார்ப்பின் ஸ்கேன் செய்யப்பட்ட வண்ண நகல்களைப் பதிவேற்றவும் ‘Submit’ என்பதைக் கிளிக் செய்தால் நீங்கள் கட்டண போர்ட்டலுக்கு திருப்பி விடப்படுவீர்கள்.
* முகவரியைப் புதுப்பிக்க ரூ.50 செலுத்த வேண்டும். இப்போது URN எண் உருவாக்கப்படும், இது ஆன்லைனில் உங்கள் முகவரி மாற்றம் செய்யப்பட்டதா என்ற நிலையைக் கண்காணிக்க உதவும். அனைத்தும் முடித்தால் உங்கள் புதிய முகவரி பதிவாகிவிடும்.
Read more: மிகப்பெரிய புதையல்! ரூ.1.75 லட்சம் கோடி மதிப்புள்ள 200 டன் தங்கம் கண்டுபிடிப்பு… எங்கு தெரியுமா?
