உதடுகள் உலர்ந்து போவது என்பது பலருக்கும் மிகப்பெரிய பிரச்சனையாக இருக்கிறது. இந்த நிலையில், அதை எப்படி தவிர்க்கலாம் என்பது பற்றி, தற்போது நாம் தெரிந்து கொள்ளலாம். அதாவது, வெயில் காலங்களில் பல நபர்களுக்கு உதடுகள் உலர்ந்து போவது ஒரு குறையாகவே இருந்து வருகிறது. அதிலும் குறிப்பாக, பெண்களுக்கு இது மிகப்பெரிய சவாலாக காணப்படுகிறது.
உதடுகள் உலர்ந்து போவதை தவிர்ப்பதற்காக சிலர், செயற்கையான ஜெல்களை உதடுகளில் பூசி வருவார்கள். அதற்கு பதிலாக, இயற்கையான முறைகளை நாம் கடைபிடிக்கலாம். அதிலும் குறிப்பாக, ரோஜா இதழ்களை அரைத்து, அத்துடன் தேங்காய் பால் மற்றும் பாதாம் எண்ணெய் போன்றவற்றை சேர்த்து, உதடுகளில் தடவி வந்தால், நாளடைவில் உதடு உலர்ந்து போவது நின்றுவிடும் என்று கூறப்படுகிறது.
அதேபோல, எலுமிச்சை பழச்சாறு, இலவங்க பட்டை தூள் போன்றவற்றை சேர்த்து, உதடுகளில் பூசி வந்தாலும், உதடுகள் உலர்வதற்கு நிரந்தரமான தீர்வு கிடைக்கும் என்று சொல்லப்படுகிறது.
