மத்திய புலனாய்வு அமைப்பின் முன்னாள் அதிகாரி (CIA) ஜான் கிரியாகோ பாகிஸ்தானின் அணு ஆயுதக் கிடங்கை அமெரிக்கா ஒரு காலத்தில் கட்டுப்படுத்தியதாக அதிர்ச்சி தகவலை வெளியிட்டுள்ளார்.. 15 ஆண்டுகள் CIA உடன் பணியாற்றிய கிரியாகோ, முன்னாள் ஜனாதிபதி பர்வேஸ் முஷாரப்பின் ஒத்துழைப்பை பெற அமெரிக்கா பாகிஸ்தானுக்கு மில்லியன் கணக்கான உதவிகளை வழங்கியதாகக் கூறினார்.
மேலும் “நான் 2002 இல் பாகிஸ்தானில் பணியமர்த்தப்பட்ட போது, என்ன நடக்கக்கூடும் என்று முஷாரப் பயந்ததால், பென்டகன் பாகிஸ்தான் அணு ஆயுதக் கிடங்கைக் கட்டுப்படுத்துவதாக அதிகாரப்பூர்வமற்ற முறையில் எனக்குத் தெரிவிக்கப்பட்டது. ஆனால் சமீபத்திய ஆண்டுகளில், பாகிஸ்தானியர்கள் இதை மறுத்து வருகின்றனர். பாகிஸ்தான் ஜெனரல்கள் கட்டுப்பாட்டில் இருந்தால், அரசியல் ரீதியாக யார் பொறுப்பில் இருக்கிறார்கள் என்பது குறித்து நான் மிகவும் கவலைப்படுவேன்,” என்று தெரிவித்தார்…
‘சர்வாதிகாரிகளுடன் இணைந்து பணியாற்ற விரும்பும் அமெரிக்கா
முஷாரஃப் அமெரிக்கா எதைச் செய்ய விரும்புகிறதோ அதை செய்ய அனுமதித்ததாக கிரியாகோ தனது நேர்காணலில் கூறினார். தொடர்ந்து பேசிய அவர் “வெளிநாட்டு விவகாரங்களில் தேர்ந்தெடுக்கப்பட்ட ஒழுக்கம்” என்ற அமெரிக்க கொள்கையையும் அவர் விமர்சித்தார்.. அமெரிக்கா சர்வாதிகாரிகளுடன் இணைந்து பணியாற்ற விரும்புகிறது” என்று சுட்டிக்காட்டினார்.
மேலும் “நேர்மையாகச் சொல்லப் போனால், அமெரிக்கா சர்வாதிகாரிகளுடன் இணைந்து பணியாற்றுவதை விரும்புகிறது. ஏனென்றால், நீங்கள் பொதுமக்களின் கருத்தைப் பற்றி கவலைப்பட வேண்டியதில்லை, இனி ஊடகங்களைப் பற்றி கவலைப்பட வேண்டியதில்லை. எனவே நாங்கள் அடிப்படையில் முஷாரப்பை வாங்கினோம். நாங்கள் மில்லியன் கணக்கான மில்லியன் டாலர்களை உதவியாக வழங்கினோம், அது இராணுவ உதவியாக இருந்தாலும் சரி அல்லது பொருளாதார மேம்பாட்டு உதவியாக இருந்தாலும் சரி,” என்று அவர் கூறினார்.
அணு ஆயுதப் பெருக்கம் மற்றும் அப்துல் கதீர் கான் சம்பவத்தில் சவுதியின் தலையீடு குறித்தும் கிரியாகோ விவாதித்தார். சவுதி அரேபியா அப்போது அமெரிக்காவிடம் ” அப்துல் கதீர் கானை தனியாக விட்டுவிடுங்கள் என்று கூறியதாகவும், ரியாத்துக்கான அமெரிக்க கொள்கை எளிமையானது..”நாங்கள் அவர்களின் எண்ணெயை வாங்குகிறோம், அவர்கள் எங்கள் ஆயுதங்களை வாங்குகிறார்கள்” என்றும் அவர் கூறினார்.
இஸ்லாமாபாத்துடனான ரியாத்தின் உறவைப் பற்றி மேலும் பேசுகையில், கிரியாகோ “முழு சவுதி இராணுவமும் பாகிஸ்தானியர்கள்” என்றார். “சவுதி அரேபியாவை தரையில் பாதுகாப்பது” பாகிஸ்தானியர்கள்தான் என்று அவர் கூறினார்.
“நாங்கள் இஸ்ரேலிய அணுகுமுறையை எடுத்திருந்தால், நாங்கள் அவரைக் கொன்றிருப்போம். அவரைக் கண்டுபிடிப்பது மிகவும் எளிதானது. ஆனால் அவருக்கு சவுதி அரசாங்கத்தின் ஆதரவு இருந்தது. சவுதிகள் எங்களிடம் வந்து, தயவுசெய்து அவரைத் தனியாக விட்டுவிடுங்கள் என்று கோரிக்கை விடுத்தனர்” என்று அவர் கூறினார்.
Read More : FLASH | உலக சந்தையில் என்ன நடக்கிறது..? மீண்டும் சரிந்த தங்கத்தின் விலை..!! சவரனுக்கு ரூ.6,400 குறைவு..!!
