20ஆம் நூற்றாண்டின் நாஸ்ட்ரடாமஸ் என அழைக்கப்பட்டவர் பாபா வங்கா.
பார்வையற்றிருந்தாலும் எதிர்காலத்தை காணும் திறன் கொண்டவர் என மக்கள் நம்பிய பல்கேரிய தீர்க்கதரிசி பாபா வங்கா தனது கணிப்புகளுக்காக உலகம் முழுவதும் பெரும் புகழைப் பெற்றார். ஆனால், அவரின் கணிப்புகள் எவ்வளவு துல்லியமானவை? இதுகுறித்து பார்க்கலாம்..
ஐரோப்பாவில் வறட்சி மற்றும் காட்டுத்தீ
பாபா வங்கா கடுமையான வறட்சி மற்றும் தண்ணீர் பற்றாக்குறை உலகின் பல நகரங்களைப் பாதிக்கும் என கூறினார். 2022 இல் இங்கிலாந்தில் 1935க்குப் பிறகு மிகவும் வறண்ட ஜூலை மாதம் பதிவாகியது. லண்டனில் ஏற்பட்ட வறட்சி அடுத்த ஆண்டும் நீடிக்கும் என நிபுணர்கள் எச்சரித்தனர். இதேபோல் பிரான்ஸ், இத்தாலி, போர்ச்சுகல் போன்ற நாடுகளிலும் கடும் வறட்சி மற்றும் காட்டுத்தீ ஏற்பட்டது.
ஆஸ்திரேலியா மற்றும் ஜப்பானில் வெள்ளம்
ஆசியா மற்றும் ஆஸ்திரேலியாவில் பெரிய வெள்ளம் வரும் என அவர் கணித்தார். 2022 ஜூலை மாதத்தில் சிட்னியில் 8 மாதங்களில் பெய்ய வேண்டிய மழை 4 நாட்களில் பெய்ததால் மூன்றாவது வெள்ளம் ஏற்பட்டது. அதே சமயம் ஜப்பான் கடும் புயலால் பாதிக்கப்பட்டது; டோக்கியோ மற்றும் அதன் சுற்றுப்பகுதிகளில் வெள்ள எச்சரிக்கை வெளியிடப்பட்டது.
9/11 தீவிரவாதத் தாக்குதல்
அதிர்ஷ்டவசமாக, பாபா வங்கா கூறிய சில மிகக் கடுமையான கணிப்புகள், உதாரணமாக 2010ல் மூன்றாம் உலகப் போர் தொடங்கும் என்றது, நிஜமாகவில்லை. ஆனால், அவர் கூறியதாகக் கூறப்படும் மிகவும் பரவலாக பேசப்படும் கணிப்புகளில் ஒன்று, செப்டம்பர் 11 (9/11) தீவிரவாதத் தாக்குதல் ஆகும்.. இதை நாஸ்ட்ரடாமஸ் கூட முன்கூட்டியே கூறியதாக சிலர் நம்புகிறார்கள்.
1989-ல் பாபா வங்கா “அச்சம்… அச்சம்! எஃகு பறவைகள் அமெரிக்க சகோதரர்களைத் தாக்கி அவர்கள் வீழ்வார்கள். நிரபராத இரத்தம் பாயும், அடர்ந்த காடுகளில் ஓநாய்கள் அலறும்.” இந்த வாசகத்தை உண்மையென நம்புவோர் கூறுவதாவது —
“அமெரிக்க சகோதரர்கள்” என்பது இரட்டைக் கோபுரங்களை (Twin Towers) குறிக்கும்,
“எஃகு பறவைகள்” என்பது கட்டுப்படுத்தப்பட்ட விமானங்களை (Hijacked planes) குறிக்கும்.
ரஷ்ய அணு நீர்மூழ்கிக் கப்பல் விபத்து
ரஷ்ய அணு நீர்மூழ்கிக் கப்பல் ‘குர்ஸ்க் (Kursk)’, 2000 ஆகஸ்டில் பாரன்ட்ஸ் கடலில் (Barents Sea) மூழ்கியது. அந்த துயர சம்பவத்தில் கப்பலில் இருந்த 118 கடற்படையினர் அனைவரும் உயிரிழந்தனர். உலகம் முழுவதும் இதுவொரு பெரும் செய்தியாகிப் பரவியது. ஆனால், இந்த விபத்தைக் குறித்து பாபா வங்கா முன்கூட்டியே கணித்தாரா?
1980-ல், பாபா வங்கா “குர்ஸ்க் நீரில் மூழ்கும், அதை நினைத்து உலகம் முழுவதும் அழும்,” — ஆகஸ்ட் 1999ல் இது நிகழும் என கணித்திருந்தார்..
அவர் கூறிய வருடம் 1999 என்றாலும், நிகழ்ச்சி நடந்தது 2000ல்.. அதாவது, ஒரு வருட வேறுபாடு மட்டுமே. மேலும், அவர் உண்மையில் ரஷ்யாவின் குர்ஸ்க் நகரத்தை குறித்தே கூறியதாக சிலர் நம்பினாலும், அணு நீர்மூழ்கிக் கப்பல் “குர்ஸ்க்” சம்பவத்துடன் இருந்த ஒற்றுமை ஆச்சரியப்பட வைக்கும் அளவுக்கு துல்லியமானது எனப் பலர் கூறுகிறார்கள்.
பராக் ஒபாமா மற்றும் டொனால்ட் டிரம்ப்
பாபா வங்கா கூறிய பல அரசியல் முன்னறிவிப்புகளில் ஒன்றாக, ஒரு கருப்பினத்தவர் அமெரிக்காவின் 44வது ஜனாதிபதியாக வருவார் என அவர் கணித்ததாக கூறப்படுகிறது. உண்மையிலும், ஜார்ஜ் W. புஷ் அவர்களுக்கு அடுத்ததாக, பராக் ஒபாமா அமெரிக்காவின் 44வது ஜனாதிபதியாக பதவி ஏற்றார். மேலும், அவர் பின்னர் அமெரிக்காவில் உருவாகும் “கலாச்சாரப் போராட்டம்” (Culture War) குறித்து, அதில் டொனால்ட் டிரம்ப் ஒபாமாவிற்கு பின் தலைவராக உருவெடுப்பார் எனவும் கணித்ததாக கூறப்படுகிறது. “அனைவரும் அவரிடம் (டிரம்ப்?) நம்பிக்கையை வைப்பார்கள் — அவர் இதை முடிப்பார் என்று. ஆனால் மாறாக நடக்கும்.”
அவர் கூறியபடி, அந்த தலைவர் நாட்டை சிதைக்கவும், வடக்கு மற்றும் தெற்கு மாநிலங்களுக்கிடையிலான பதட்டத்தை மேலும் தீவிரப்படுத்தவும் காரணமாக இருப்பார் என பாபா வங்கா கணித்ததாக கூறப்படுகிறது.
இந்திரா காந்தி கொலை
நாட்டின் மிக முக்கியமான மற்றும் சர்ச்சைக்குரிய அரசியல் தலைவர்களில் ஒருவராக இருந்தார் இந்திரா காந்தி. அவர் 1980களின் தொடக்கத்தில் இந்தியாவின் பிரதமராக இருந்தார். 1984ஆம் ஆண்டு சிக்களின் மிகப் புனிதமான இடமான அம்ரித்சர் கோல்டன் டெம்பிள் மீது இராணுவ நடவடிக்கை மேற்கொள்ள உத்தரவிட்டார். அதற்கான பழிவாங்கும் செயலில், அதே ஆண்டின் அக்டோபர் மாதத்தில், அவரது இரண்டு சிக் பாதுகாவலர்கள் அவரை சுட்டுக் கொன்றனர்.
அதற்கு பல ஆண்டுகளுக்கு முன், 1969ஆம் ஆண்டு, பாபா வங்கா இந்திரா காந்தியின் மரணத்தை கணித்ததாக கூறப்படுகிறது.. அதாவது “அவளது உடையே அவளை அழிக்கும்” என்று கூறியதாகச் சொல்லப்படுகிறது. “புகையும் தீயும் மத்தியில், நான் ஆரஞ்சு-மஞ்சள் நிற உடையைப் பார்க்கிறேன்” எனவும் அவர் கூறியதாக நம்பப்படுகிறது. உண்மையில், பாதுகாவலர்கள் துப்பாக்கி சூடு நடத்திய அந்த துரதிர்ஷ்டமான நாளில், இந்திரா காந்தி காவி நிறச் சேலையை அணிந்திருந்தது குறிப்பிடத்தக்கது.
சொந்த இறப்பு தேதி
சோவியத் ஆட்சியாளர் ஜோசப் ஸ்டாலின் மரணிக்கும் திகதியை பாபா வங்கா சரியாக முன்னறிவித்ததாகக் கூறப்படுகிறது. சிலர் இதை மறுத்தாலும், அவர் தனது சொந்த மரணத்தையும் முன்கூட்டியே கணித்ததாக நம்பப்படுகிறது. 1990ஆம் ஆண்டு நடந்த ஒரு பேட்டியில், அவர் 1996 ஆகஸ்ட் 11 அன்று தான் இறப்பேன் என்று கூறியதாகச் சொல்லப்படுகிறது.. அது உண்மையாகவே நடந்தது.
சமீபத்தில் பரவி வரும் ஒரு கணிப்பின் படி, பல்கேரிய ஆன்மீகவாதி பாபா வங்கா, 2026ஆம் ஆண்டு ஒரு பெரிய “பண நெருக்கடி” (cash crush) ஏற்பட்டு, அதனால் தங்கத்தின் விலை மிகக் கடுமையாக உயர்வதாக கூறியிருந்தார் என கூறப்படுகிறது. அந்த கணிப்பின் படி, வரும் ஆண்டில் ஒரு முக்கிய பொருளாதார பிரச்சினை தங்க விலையை பெரிதும் உயர்த்தும் என்று அவர் முன்னறிவித்ததாக அறிக்கைகள் தெரிவிக்கின்றன.
