தங்கள் குழந்தைகளின் எதிர்காலத்தை பாதுகாப்பது ஒவ்வொரு பெற்றோரின் முக்கியமான பொறுப்பாகும். குறிப்பாக மகள் குழந்தைகளின் கல்வி மற்றும் திருமணம் போன்ற தேவைகளுக்காக முன்கூட்டியே நிதி ஏற்பாடுகளை செய்வது அவசியமாகிறது. இத்தகைய தேவைகளுக்கு ஏற்ற வகையில், தபால் அலுவலக சுகன்யா சம்ரிதி யோஜனா (SSY) திட்டம் பெற்றோரின் கவனத்தை ஈர்த்துள்ளது.
சுகன்யா சம்ரிதி யோஜனா என்பது இந்திய அரசின் அனுசரணையில் செயல்படும் சேமிப்புத் திட்டம் ஆகும். பெண் குழந்தைகளின் எதிர்கால நலனை கருத்தில் கொண்டு வடிவமைக்கப்பட்ட இந்தத் திட்டத்தில், 10 வயதுக்குட்பட்ட மகளின் பெயரில் கணக்கு திறக்கலாம்.
முதலீட்டு விவரங்கள்:
குறைந்தபட்ச ஆண்டு டெபாசிட்: ரூ. 250
அதிகபட்ச ஆண்டு டெபாசிட்: ரூ. 1.5 லட்சம்
டெபாசிட் காலம்: 15 ஆண்டுகள்
கணக்கு முதிர்வு காலம்: 21 ஆண்டுகள்
இந்தத் திட்டம் அரசாங்க உத்தரவாதத்துடன் பாதுகாப்பான சேமிப்பை வழங்குகிறது.
ரூ. 70 லட்சம் வருமானம் பெறுவது எப்படி? மகளுக்கு 5 வயதில் கணக்கு திறந்து, 15 ஆண்டுகளுக்கு ஒவ்வொரு ஆண்டும் ரூ. 1.5 லட்சம் (மாதத்திற்கு ரூ. 12,500) செலுத்தினால்:
மொத்த முதலீடு: ₹22.5 லட்சம்
21 ஆண்டுகளுக்குப் பிறகு கிடைக்கும் தொகை: சுமார் ₹69.27 லட்சம்
இதில் கிடைக்கும் வட்டி: ₹46.77 லட்சம்
அதாவது, மகளின் எதிர்காலத்திற்காக சுமார் ₹70 லட்சம் வரை சேமிக்க முடியும். 8.2% வரை வட்டி வழங்கப்படுகிறது. இந்த வட்டிக்கு முழுமையான வரி விலக்கு வழங்கப்படுகிறது.சந்தை ஏற்ற இறக்கங்கள் எதுவும் இல்லாததால், இது ஆபத்தில்லா முதலீட்டு திட்டம் ஆகும். மகளுக்கு 18 வயது ஆன பிறகு, கல்வி தேவைகளுக்காக பகுதியளவு தொகையை திரும்பப் பெறலாம். 21 வயதில் கணக்கு முழுமையாக முதிர்வு அடையும். இதனால், உயர்கல்வி செலவுகளுக்காக பெற்றோருக்கு எந்த நிதி அழுத்தமும் ஏற்படாது.
