வாழ்க்கையில் தொடர் சோதனைகளையும், தீர்க்க முடியாத பிரச்சனைகளையும் சந்திப்பவர்களுக்கு குலதெய்வ வழிபாடு ஒரு மிகச்சிறந்த கேடயமாக கருதப்படுகிறது. “குருவை மறந்தாலும் குலதெய்வத்தை மறக்காதே” என்ற பழமொழிக்கு ஏற்ப, நம் முன்னோர்கள் வழிபட்ட தெய்வத்தின் அருளாசி இருந்தால் மட்டுமே மற்ற தெய்வங்களின் அனுக்கிரகம் நமக்கு கிடைக்கும் என்பது ஐதீகம். அந்த வகையில், எந்தெந்த நாட்களில் குலதெய்வத்தை வணங்கினால் இரட்டிப்பு பலன் கிடைக்கும் என்பதை இங்கே காண்போம்.
விசேஷ தினங்கள் மற்றும் வழிபாட்டு முறை :
பொதுவாக குலதெய்வத்தை வழிபட எல்லா நாட்களுமே உகந்தவை என்றாலும், அமாவாசை மற்றும் பௌர்ணமி ஆகிய தினங்கள் மிக முக்கியமானவை. இந்த நாட்களில் குலதெய்வக் கோயிலுக்குச் சென்று, அந்தத் தெய்வத்திற்கு பிடித்தமான நெய்வேத்தியங்களைப் படைத்து வழிபடுவது குடும்பத்தில் உள்ள கஷ்டங்களைப் படிப்படியாக நீக்கும். தொலைதூரத்தில் கோயில் இருப்பதால் அடிக்கடி செல்ல முடியாதவர்கள், தங்கள் வீட்டிலேயே தினமும் காலை மற்றும் மாலை வேளைகளில் குலதெய்வத்தை மனதார நினைத்து நெய் விளக்கேற்றி வழிபடலாம். இது கோயிலுக்கு சென்ற அதே பலனை தரும்.
கிழமை வாரியான வழிபாட்டு ரகசியங்கள் : அமாவாசை மற்றும் பௌர்ணமி நாட்களில் செல்ல முடியாதவர்கள், வாரத்தின் மற்ற நாட்களில் தங்கள் குலதெய்வத்தின் தன்மைக்கு ஏற்பத் தரிசனம் செய்யலாம்:
ஞாயிறு மற்றும் வியாழன் : இவை பொதுவான விசேஷ நாட்கள். எந்த குலதெய்வமாக இருந்தாலும் இந்நாட்களில் செல்வது நற்பலன் தரும்.
திங்கள் : உங்கள் குலதெய்வம் சிவபெருமான் அல்லது முனீஸ்வரர் போன்ற காவல் தெய்வங்களாக இருந்தால் திங்கட்கிழமை உகந்தது.
செவ்வாய் : முருகப்பெருமான் அல்லது அது சார்ந்த தெய்வங்களுக்குச் செவ்வாய்க்கிழமை சிறப்பு.
புதன் மற்றும் சனி : பெருமாளை குலதெய்வமாக கொண்டவர்கள் இந்நாட்களைத் தேர்ந்தெடுக்கலாம்.
வெள்ளி : மாரியம்மன், காளியம்மன் போன்ற அம்பாள் வடிவங்கள் மற்றும் பெண் தெய்வங்களுக்கு வெள்ளிக்கிழமை மிகச் சிறந்த அருளைப் பெற்றுத் தரும்.
வழிபாட்டின் பலன்கள் : குலதெய்வ கோயிலுக்கு மாதம் ஒருமுறையோ அல்லது வருடம் ஒருமுறையோ குடும்பத்தோடு சென்று வருவதன் மூலம் வம்ச விருத்தி, ஆரோக்கியம் மற்றும் தடைப்பட்ட காரியங்களில் வெற்றி போன்றவை கிட்டும். சோதனைகள் சூழும் போது கலங்காமல், உரிய நாட்களில் குலதெய்வத்தை சரணடைவதே மகிழ்ச்சியான வாழ்விற்கு வழியாகும்.
Read More : இந்த 5 வாஸ்து மாற்றங்களை நீங்கள் செய்தால்.. உங்கள் பணப்பெட்டி ஒருபோதும் காலியாகாது..!
