பொது வருங்கால வைப்பு நிதி (PPF) பற்றித் தெரியாதவர்கள் யாரும் இருக்க முடியாது. இது நாட்டின் மிகவும் பிரபலமான சேமிப்புத் திட்டங்களில் ஒன்றாகும். குறைந்த தொகையை முதலீடு செய்து நீண்ட கால அடிப்படையில் வருமானம் ஈட்ட விரும்புவோருக்கு இது ஒரு சிறந்த திட்டமாகும். இது மத்திய அரசால் நடத்தப்படும் திட்டம் என்பதால், உங்கள் முதலீடுகள் பாதுகாப்பானவை.
உங்கள் பணத்திற்கு மத்திய அரசு முழு உத்தரவாதத்தையும் அளிக்கிறது. பங்குச் சந்தை ஏற்ற இறக்கங்களைப் பொருட்படுத்தாமல், இது 100 சதவீதம் ஆபத்து இல்லாத முதலீட்டுத் திட்டமாகும். மேலும், உங்கள் முதலீடுகள் மற்றும் அதிலிருந்து கிடைக்கும் வருமானம் அனைத்தும் வரிக்கு உட்பட்டவை அல்ல. வருமான வரிச் சட்டத்தின் பிரிவு 80C-ன் கீழ் வரி விலக்கு கிடைக்கிறது. வட்டித் தொகைக்கும், முதிர்வு காலத்தில் பெறப்படும் மொத்தத் தொகைக்கும் வரி ஏதுமில்லை. வரிச் சலுகைகளைப் பெற விரும்புவோருக்கு இதுவே சிறந்த திட்டம் என்று சந்தை நிபுணர்கள் கூறுகின்றனர்.
இருப்பினும், PPF மூலம் வரியைச் சேமிப்பது மட்டுமின்றி, ஓய்வு பெற்ற பிறகு ஒவ்வொரு மாதமும் பெரும் தொகையை ஓய்வூதியமாகப் பெறும் வாய்ப்பும் இதில் உள்ளது. இத்திட்டத்தில் ஒரு நிதியாண்டில் அதிகபட்சமாக ரூ. 1.50 லட்சம் வரை முதலீடு செய்யலாம். ஆண்டுக்கு சராசரியாக 7.10 சதவீத வட்டி விகிதத்தில் கணக்கிட்டால், 30 ஆண்டுகளுக்குப் பிறகு அத்தொகை ரூ. 1,54,50,911-ஆக இருக்கும்.
இந்த மிகப்பெரிய தொகையை ஒரேடியாக எடுப்பதற்குப் பதிலாக, ‘முறையான திரும்பப் பெறும் திட்டம்’ (Systematic Withdrawal Plan) மூலம் புத்திசாலித்தனமாக மாற்றியமைக்கலாம். ஆண்டுக்கு 7 சதவீதம் வரை நிலையான வருமானம் தரும் பாதுகாப்பான முதலீட்டுத் திட்டத்தில் இத்தொகையை வைத்துக்கொண்டு, மாதந்தோறும் ரூ. 1 லட்சத்தை ஓய்வூதியமாகப் பெறலாம். இவ்வாறு செய்தால், அடுத்த 20 ஆண்டுகளுக்கு உங்களுக்கு ஓய்வூதியம் கிடைக்கும். இதன் மூலம், 20 ஆண்டுகளுக்கு மாதந்தோறும் பணம் பெற்று மொத்தம் ரூ. 2.40 கோடியைப் பெற்ற பிறகும், உங்கள் கணக்கில் ரூ. 1.5 கோடிக்கும் அதிகமான தொகை மீதமிருக்கும். முதுமையில் நிலையான ஓய்வூதியத்தையும் பெரும் செல்வத்தையும் விரும்பும் நபர்களுக்கு இந்த யோசனை பெரிதும் உதவும் என்று நிபுணர்கள் கூறுகின்றனர்.
ஆனால், PPF கணக்கின் பொதுவான கால அளவு 15 ஆண்டுகள் மட்டுமே. ஒவ்வொரு முறையும் 5 ஆண்டுகள் வீதம் இக்கால அளவை நீட்டிக்கும் வசதியை மத்திய அரசு வழங்குகிறது. ஒருவர் 30 வயதில் PPF கணக்கைத் தொடங்கி, ஐந்து ஆண்டுகள் வீதம் மூன்று முறை அதை நீட்டித்தால், அவர் மொத்தம் 30 ஆண்டுகளுக்கு முதலீட்டைத் தொடர முடியும்.
Read More : தினமும் ரூ. 50 சேமித்து கோடீஸ்வரராகுங்கள்..! தபால் நிலையத்தின் இந்த திட்டத்தை மிஸ் பண்ணிடாதீங்க..!
