தமிழக அரசியலில் மேகதாது அணை விவகாரம் மீண்டும் பூதாகரமாக உருவெடுத்துள்ள நிலையில், ஆளும் த.வெ.க அரசுக்கும் எதிர்க்கட்சியான திமுகவுக்கும் இடையே கடுமையான வார்த்தைப் போர் வெடித்துள்ளது. மேகதாது விவகாரத்தில் திமுக முன்வைக்கும் விமர்சனங்களுக்குப் பதிலடி கொடுக்கும் வகையில், தவெக அறிக்கை வெளியிட்டுள்ளது.
இதுதொடர்பாக வெளியிட்டுள்ள எக்ஸ் தள பதிவில், ”மேகதாது அணை விவகாரமானது கடந்த 2026 மே 10-ஆம் தேதிக்குப் பிறகுதான் தொடங்கியது என்பதைப் போல திமுக தலைமை பேசி வருவது, அவர்களின் அறியாமையையே காட்டுவதாகத் தமிழக அரசு கடுமையாகக் குற்றம்சாட்டியுள்ளது. கடந்த காலங்களில் மேகதாது விவகாரத்தில் உரிய நடவடிக்கை எடுக்காமல் தூங்கிக் கொண்டிருந்த திமுகவே, தற்போது தங்களின் செயல்பாடற்ற தன்மைக்குத் தானே ஒப்புதல் வாக்குமூலம் கொடுத்து வருவதாக கூறியுள்ளது.
நடந்து முடிந்த தேர்தலில் தமிழக மக்களால் புறக்கணிக்கப்பட்டு ஆட்சி அதிகாரத்தை இழந்த பிறகும், தாங்களே இன்னமும் ஆளுங்கட்சியாக இருப்பது போன்ற கற்பனை உலகில் திமுக தலைமை வலம் வருவதாக விமர்சிக்கப்பட்டுள்ளது. யதார்த்த நிலையைப் புரிந்து கொள்ளாமல் இயங்கி வரும் திமுகவுக்கு சரியான வழிகாட்ட அங்கு ஆட்களே இல்லை என்பதை இது உணர்த்துவதாகவும், ஆட்சியில் இருந்தபோது மக்கள் நலனில் தீவிரமாக செயல்படாத காரணத்தினாலேயே மக்கள் அவர்களை நிராகரித்து ஒதுக்கியுள்ளனர் என்றும் தெரிவிக்கப்பட்டுள்ளது.
ஆட்சி அதிகாரத்தைப் பறி கொடுத்த விரக்தியிலும், பொறாமையிலும், பதவி வெறியிலும் திமுக தலைமை தெரிவித்து வரும் கருத்துகளைத் தமிழக மக்கள் நன்கு உணர்ந்து தெளிவோடு இருக்கிறார்கள் என்றும், திமுக தான் இன்னும் உண்மையை உணராமல் பிதற்றி வருவதாகவும் சாடப்பட்டுள்ளது. மேகதாது பிரச்சனை மட்டுமன்றி, தமிழகத்தின் மாநில உரிமை சார்ந்த எந்தவொரு விவகாரத்திலும் விவசாயிகளின் வாழ்வாதாரமும், பொதுமக்கள் நலனும் சிறிதும் பாதிக்கப்படாத வகையில் தவெக அரசு உறுதியோடு நின்று உரிமைகளைக் காக்கும் என தெரிவிக்கப்பட்டுள்ளது.
மேகதாது அணை விவகாரம், 2026 மே 10ஆம் தேதிக்குப் பிறகுதான் உருவானது போல உளறுகிறது, தி.மு.க. தலைமை. அப்படியெனில், தூங்கிக்கொண்டிருப்பது யார் என்பதற்குத் திமுக தலைமையே ஒப்புதல் வாக்குமூலம் கொடுக்கிறதுதானே?
— TVK Party HQ (@TVKPartyHQ) July 30, 2026
தமிழக மக்களால் தூக்கி எறியப்பட்ட பிறகும் தானே முதலமைச்சர் என்பது போல…
Read More : “வாய்ப்பு வேண்டுமா? முதல்ல அட்ஜஸ்ட்மென்ட்…” மனவேதனையுடன் பேசிய சீரியல் நடிகை!
