ஆவணி மாத வளர்பிறை சதுர்த்தி திதியில் கொண்டாடப்படும் விநாயகர் சதுர்த்தி திருநாளில், முழுமுதற் கடவுளான விநாயகப் பெருமானை இல்லங்களில் பிரதிஷ்டை செய்து முறைப்படி விரதமிருந்து வழிபடுவது சகல சௌபாக்கியங்களையும் தரும் என்பது ஐதீகம். இன்றைய தினம் இல்லங்களில் விநாயகர் சதுர்த்தி பூஜை செய்து வழிபட உகந்த நாளாகும். இதற்கான சுப முகூர்த்த நேரங்கள்:
கலச ஸ்தாபனம்:
செப்டம்பர் 13 (ஞாயிறு) காலை 9.00 மணி முதல் 10.30 மணி வரை
கணபதி ஹோமம் செய்ய உகந்த நேரம் (செப். 14):
அதிகாலை 4.30 – 6.00 மணி
காலை 6.00 – 7.30 மணி
காலை 9.00 – 10.30 மணி
விநாயகர் பிரதிஷ்டை மற்றும் பூஜை செய்ய உகந்த நேரங்கள் (செப். 14):
அதிகாலை 4.30 மணி முதல் 6.00 மணி வரை
காலை 9.00 மணி முதல் 10.30 மணி வரை
பிற்பகல் 12.00 மணி முதல் 1.30 மணி வரை
மாலை 4.30 மணி முதல் 6.00 மணி வரை
அருகிலுள்ள ஆலயங்களில் நடைபெறும் சிறப்பு பூஜைகளில் கலந்துகொள்வதும், கணபதி ஹோமத்திற்கு காய்ந்த கொப்பரை தேங்காய் மற்றும் சத்துமாவு காணிக்கையாக வழங்குவதும் அளப்பரிய புண்ணியத்தையும் நற்பலன்களையும் தரும்.
