ஈரான் மற்றும் இஸ்ரேல் இடையே நடந்து வரும் மோதல் நாளுக்கு நாள் தீவிரமடைந்து வரும் நிலையில், அதில் ஒரு புதிய திருப்பம் ஏற்பட்டுள்ளது. முக்கிய நாடுகள் ஈரானின் தாக்குதலை கண்டித்துள்ள நிலையில், இஸ்ரேலின் தாக்குதலை கண்டித்துள்ள ஒரு நாடும் உள்ளது.
ஈரான் மீதான இஸ்ரேலிய தாக்குதலை வட கொரிய சர்வாதிகாரி கிம் ஜாங் உன் கண்டித்துள்ளார். ஈரானின் பொதுமக்கள், அணுசக்தி மற்றும் எரிசக்தி நிலையங்கள் மீதான தாக்குதல் குறித்து பியோங்யாங்கின் வெளியுறவு அமைச்சக செய்தித் தொடர்பாளர் அறிக்கை ஒன்றை வெளியிட்டுள்ளார். அதில் இது மனிதகுலத்திற்கு எதிரான மன்னிக்க முடியாத குற்றம் என்று கூறினார். இது பிராந்தியத்தை ஒரு புதிய பரவலான போரை நோக்கி தள்ளுகிறது என்றும் அவர் தெரிவித்துள்ளார்.
இஸ்ரேலை விமர்சித்தது மட்டுமல்லாமல், அமெரிக்கா மற்றும் ஐரோப்பிய நாடுகளையும் குற்றம் சாட்டி உள்ளார். மேலும் “ அமெரிக்காவும், சில ஐரோப்பிய நாடுகளும் இந்தக் குற்றத்தில் கூட்டுப் பங்காளிகள் என்று கூறினர். அவர்கள் அரச ஆதரவு பயங்கரவாதிகளைப் பாதுகாக்கின்றனர். இஸ்ரேலுடன் சேர்ந்து அமெரிக்கா மற்றும் மேற்கத்திய நாடுகளும் மத்திய கிழக்கின் அமைதிக்கு புற்றுநோயாக மாறி வருகிறது.. இருப்பினும், பாதிக்கப்பட்ட ஈரானின் இறையாண்மை மற்றும் சுயபாதுகாப்புக்கான உரிமையை தொடர்ந்து மறுக்க முயற்சிக்கும் அமெரிக்கா மற்றும் மேற்கு நாடுகளை சர்வதேச சமூகம் கண்காணித்து வருகிறது.
வட கொரியாவின் எச்சரிக்கை
அமெரிக்க அதிபர் டொனால்ட் டிரம்ப் சமீபத்தில் ஈரானுக்கு எதிரான தனது பொறுமை இப்போது முடிவுக்கு வந்துவிட்டதாகக் கூறினார். இதற்கு பதிலளிக்கும் விதமாக, உங்கள் நடவடிக்கைகள் மத்திய கிழக்கை அழிவை நோக்கி அழைத்துச் செல்கின்றன என்று வட கொரியா கூறியது. இந்த அறிக்கையிலிருந்து வட கொரியாவும் ஈரானும் அதிருப்தி அடைந்துள்ளன என்பது தெளிவாகிறது. உலகளாவிய உறுதியற்ற தன்மைக்கு இது பொறுப்பு என்று அவர்கள் கருதுகின்றனர்.
ரஷ்யா, சீனாவும் எதிர்ப்பு
அதே போல் ஈரான் போரில் அமெரிக்காவின் ராணுவ தலையீடு மிகவும் ஆபத்தான முடிவு என்று ரஷ்யாவும் எச்சரித்துள்ளது. அதே போல், அமெரிக்கா போரில் ஈடுபடுவது ஈரானின் இறையாண்மை மற்றும் பாதுகாப்பை மீறுவதாகக் கருதப்படும் என்று அதனை கடுமையாக எதிர்ப்பதாகவும் சீனா எச்சரித்தது.
ட்ரம்ப் என்ன சொன்னார்?
ஈரானை தாக்கும் திட்டத்தை தான் அங்கீகரித்ததாகவும், ஆனால் அணுசக்தி திட்டத்தை கைவிடும் நிபந்தனையின் பேரில் முடிவை நிறுத்தி வைத்திருப்பதாகவும் ட்ரம்ப் தனது உதவியாளர்களிடம் கூறியிருந்தார். மேலும் ஈரான் மீது அமெரிக்கா தாக்குதல் நடத்துவது குறித்து 2 வாரங்களில் தனது முடிவை அறிவிப்பதாகவும் ட்ரம்ப் தெரிவித்திருந்தார் என்பது குறிப்பிடத்தக்கது.
Read More : “நான் என்ன செய்தாலும்; எனக்கு அமைதிக்கான நோபல் பரிசு கிடைக்காது”!. அதிபர் டிரம்ப் அதிருப்தி!
