பாகிஸ்தானில் உள்ள பண இயந்திரம்தான் உலகின் மிக உயரமான ATM என்றழைக்கப்படுகிறது. இது 4693 மீட்டர் (15,396 அடி) உயரத்தில் அமைந்துள்ளது.
இந்தியாவின் அண்டை நாடான பாகிஸ்தானில் உள்ள பண இயந்திரம் 4,693 மீட்டர் (15,396 அடி) உயரத்தில் பாகிஸ்தானுக்கும் சீனாவுக்கும் இடையே வடக்கு பாகிஸ்தானில் உள்ள குஞ்சேரப் கணவாயில் அமைந்துள்ளது. இது சூரிய சக்தி மற்றும் காற்று விசையாழிகளால் இயக்கப்படுகிறது. 2016 இல் பாகிஸ்தானின் தேசிய வங்கியால் (NBP) கட்டப்பட்ட இந்த பண இயந்திரம், எல்லையை கடக்கும் குடியிருப்பாளர்கள் மற்றும் பணியாளர்களுக்கு உதவுவதாகவும் தெரிவிக்கப்பட்டுள்ளது. இது தவிர, உலகம் முழுவதிலுமிருந்து சாகசப் பயணிகளும் இந்த ஏடிஎம் மூலம் பணப்பரிவர்த்தனை செய்யும் போது புகைப்படம் எடுத்துசெல்கின்றனர்.
24 மணி நேரமும் செயல்படும் இந்த ஏடிஎம், சீனா-பாகிஸ்தான் பொருளாதார வழித்தடத்தில் (CEPEC) மூலோபாய ரீதியாக அமைந்துள்ளது. சோஸ்ட் சிட்டியில் அமைந்துள்ள மற்றொரு கிளையால் இந்த உயரமான ஏடிஎம் பராமரிக்கப்பட்டு கண்காணிக்கப்படுகிறது. இந்த ஏடிஎம்மில் பணம் தடையின்றி கிடைப்பதை உறுதி செய்வதற்காக அதன் அருகிலுள்ள கிளை மூலம் இயந்திரம் பராமரிக்கப்படுவதாக வங்கி அதிகாரி ஒருவர் தெரிவித்துள்ளார்.
ஏடிஎம்களில் பணம் எடுப்பது, பில்களை டிஜிட்டல் முறையில் செலுத்துதல் மற்றும் நிதி பரிமாற்றம் போன்ற வசதிகளையும் இது வழங்குகிறது. குளிர்காலத்தில் வெப்பநிலை பூஜ்ஜிய டிகிரிக்கு கீழே குறையும் போது, ஏடிஎம்களில் தடையில்லா சேவைகளுக்கு சிறப்பு கவனம் தேவை. 15 நாட்களில் சுமார் 40 முதல் 50 இலட்சம் ரூபா பணம் எடுக்கப்படுவதாக ஊடகங்கள் தெரிவிக்கின்றன. அதிக அழுத்தம் மற்றும் உயரம் இருந்தபோதிலும், மக்கள் மற்றும் பயணிகள் குறிப்பாக இந்த ஏடிஎம்-க்கு பணம் எடுக்க வருவது குறிப்பிடத்தக்கது.
